अमर घटारे 

अमरावती : नवीन सोयाबीन काढणीला सुरवात झाली आहे. परंतु मार्केटमध्ये शेतकऱ्याला सोयाबीनला अपेक्षित भाव मिळत नाही. यामुळे सोयाबीनच्या (Soyabean) भाव वाढीसाठी स्वाभिमानी शेतकरी संघटनेने (Amravati) अमरावती जिल्ह्यतील धामणगाव रेल्वे येथे चक्काजाम आंदोलन केले. (Tajya Batmya)

यावर्षी सोयाबीन पिकावर विविध रोगांच्या प्रादुर्भाव झाल्याने सोयाबीनचे उत्पादन कमी झाले आहे. त्यात सध्या बाजारात सोयाबीनला ४ हजार दोनशे रुपये भाव मिळत आहे. हा भाव मिळत असल्याने उत्पदनासाठी लावलेला खर्च देखील निघत नसल्याचे चित्र आहे. यामुळे सोयाबीनला प्रति क्विंटल ८ हजार रुपये भाव मिळावा, अमरावती जिल्ह्यात सर्व शेतकऱ्यांना पिक विमा लागू करावा. या मागणीसाठी स्वाभिमानी शेतकरी (Farmer) संघटनेचे कार्यकर्ते आक्रमक झाले होते. 

वाहतूक रोखली 

सोयाबीनच्या भाववाढीसाठी शेतकरी संघटनेचे कार्यकर्ते आक्रमक झाले होते. या दरम्यान काही वेळासाठी धामणगाव ते मंगरूळ दस्तगीर रस्ता अडवत चक्काजाम आंदोलन केले. या आंदोलनामुळे मार्गावरील वाहतूक अडकली होती.