Amravati Crime News : अमरावती जिल्ह्यातून एक संतापजक घटना उघडकीस आली आहे. एका २५ वर्षीय विवाहित महिलेचं अपहरण करून तिच्यावर सलग तीन दिवस बलात्कार करण्यात आला आहे. मेळघाटमधील चिखलदरा तालुक्यात ही संतापजनक घटना घडली. याप्रकरणी पीडित महिलेने दिलेल्या फिर्यादीवरून पोलिसांनी गुन्हा दाखल करत आरोपीला अटक केली आहे. (Latest Marathi News)

हिरालाल जमुनकर असं अटक करण्यात आलेल्या आरोपीचं नाव आहे. प्राप्त माहितीनुसार, चिखलदरा (Amravati) तालुक्यातील २५ वर्षीय विवाहित महिला मोलमजुरी करते. नेहमीप्रमाणे ती काम करण्यासाठी घराबाहेर पडली होती. यावेळी वाटेतच आरोपी हिरालाल याने तिचे अपहरण  (Crime News) केलं. त्यानंतर आरोपीने पीडित महिलेला जंगलात नेऊन डांबून ठेवलं.

इतकंच नाही तर, आरोपीने पीडितेचे साडीने हातपाय बांधून तिच्यावर सलग तीन दिवस बलात्कार देखील केला. ही संतापजनक घटना ९ ते १२ डिसेंबर दरम्यान घडली. दरम्यान, पीडित महिलेने आरोपीच्या तावडीतून कशीबशी आपली सुटका करून पोलिसांत धाव घेतली. याप्रकरणी पीडितेने दिलेल्या फिर्यादीवरून पोलिसांनी आरोपी हिरालाल जमुनकर याच्याविरोधात बलात्काराचा गुन्हा दाखल केला आहे. तसेच त्याला अटक देखील करण्यात आली आहे. या घटनेचा पुढील तपास पोलिस करीत आहेत.

Edited By - Satish Daud