अमर घटारे 

अमरावती : अमरावती जिल्ह्यातील तिवसा तालुक्यातील तिवसा येथील प्रवासी रिक्षा वाहनाने गावातील शेतमजूर घेऊन जात असताना रिक्षा पलटी होऊन अपघात झाला. या अपघातात रिक्षामध्ये बसलेले १० शेतमजूर जखमी झाले असून यात ५ शेतमजूर गंभीर जखमी झाले आहेत.  

तिवसा सार्शी मार्गावर हा अपघात (Accident) घडला आहे. सध्या शेती कामांना वेग आला असून मिळतील तेवढे मजूर घेऊन शेतकरी शेतातील कामे पूर्ण करण्याच्या मागे लागला आहे. शेतात मजुरांना घेऊन जाण्यासाठी वाहनांची व्यवस्था करण्यात आलेली असते. त्यानुसार तिवसा येथील शेत मजुरांना घेऊन आटो रिक्षा सकाळी मार्गस्थ झाली होती. मात्र रस्त्यावर समोरून अचानक कुत्रा आल्याने (Amravati) चालकाचे नियंत्रण सुटून वाहन रोडचा खाली उतरून सिमेंट नालीवर धडकले.

शेताकडे जात असताना वाहना समोर कुत्रा आल्याने चालकाचे नियंत्रण सुटल्याने रस्त्याच्या कडेला वाहन सिमेंट नालीला धडकले. या अपघातात रिक्षात बसलेले १० मजूर जखमी झाले आहेत. यातील ५ मजूर गंभीर जखमी झाले आहेत. सर्व जखमींना उपचारासाठी जिल्हा रुग्णालयात हलविण्यात आले आहे.