Beed Crime News : एका शेतकऱ्याकडून पाठबोकड विकत घेऊन खेळण्यातील बनावट नोटा देत फसवणूक करून दोघांनी पोबारा केल्याची घटना बीड जिल्ह्यात घडली आहे. यामुळे आष्टी तालुक्यातील डोंगरगण येथील शेतकरी संतापले आहेत. (Maharashtra News)

बीडच्या आष्टी तालुक्यात असणाऱ्या कड़ा देवळाली रोडवरील डोंगरगण येथे नभाजी भाऊ घोडके यांचे घर आहे. त्यांच्याकडे 6 शेळ्या आहेत. त्यांच्याकडे दोन जण शेळ्यांचे व्यापारी म्हणून दुचाकीवरून घरी आले.

पाठबोकड विकायचे आहे का ? असं बोलताच घोडके हो म्हणाले. शेळी, पाठबोकड असा दोन्ही मिळून साडेनऊ हजार रुपयांत सौदा झाला. पत्नी कुसुम घरात चहा करत असताना एकाने आत जाऊन पैसे दिले. पत्नीकडून पैसे मोजण्यासाठी हातात घेताच 2 हजारांच्या 4, तर पाचशेच्या 3 अशा साडेनऊ हजारांच्या खेळण्यातील बनावट नोटा दिल्याचे नभाजी भाऊ घोडकेंच्या लक्षात आले.

तोपर्यंत व्यापाऱ्यांनी पोबारा केला होता. बनावट नोटा देऊन गंडा घातल्याने शेतकरी कुटुंबाला रडू आवरत नव्हते. दरम्यान याप्रकरणी बीडच्या अंभोरा पोलिस ठाण्यात (ambhora police station) अज्ञातांवर गुन्हा दाखल करण्यात आला आहे.

Edited By : Siddharth Latkar