अंबरनाथ : उल्हासनगरमध्ये ८६ हजारांचा गुटखा अंबरनाथ शिवाजीनगर पोलिसांनी (Police) जप्त केला आहे. याप्रकरणी चार जणांना अटक करण्यात आली असून शहरात गुटख्याचा अवैध पुरवठा करणाऱ्या (Ambarnath) गुटखामाफियांच्या विरोधात गुन्हा दाखल केला आहे. (Tajya Batmya)

उल्हासनगरमधील (Ulhasnagar) मध्यवर्ती पोलीस ठाण्याच्या हद्दीतील शहाड फाटक परिसरात खुलेआम गुटखा विक्री केले जात असल्याची माहिती सामाजिक कार्यकर्ता दीपक ठाकूर आणि संदीप साळवे यांना मिळाली होती. मात्र या प्रकरणी उल्हासनगर पोलीस ठाण्याचे अधिकारी या गुटखा माफियावर कारवाई करत नसल्याने अखेर वरिष्ठ पोलीस अधिकाऱ्यांच्या आदेशानुसार अंबरनाथच्या शिवाजीनगर पोलीस ठाण्याचे वरिष्ठ पोलीस निरीक्षक अशोक भगत यांच्या पथकाने या परिसरात धाड टाकत ८६ हजारांचा गुटखा जप्त केला आहे.

या प्रकरणात नवनीत चौरसिया, नवजीस अन्सारी, आलीत खान आणि इतर एक आरोपी असे एकूण चार जणांविरोधात गुन्हा दाखल करून त्यांना अटक केली आहे. तर या आरोपींना न्यायालयाने पोलीस कोठोडी हजर केले असता या सर्वांना न्यायालयाने पोलीस कोठडी सुनावली आहे. संबंधित गुटखा कोणाकडून विक्री करण्यासाठी आणण्यात आला होता. त्याचा अधिक तपास आता पोलीस करत आहेत. मात्र उल्हासनगर पोलीस ठाण्याच्या हद्दीत अंबरनाथच्या शिवाजीनगर पोलिसांचे पथक धडक कारवाई करते. मात्र अश्या अवैध धंद्याकडे उल्हासनगर पोलीस हेतूपुरस्कार दुर्लक्ष करत असल्याचा आरोप सामाजिक कार्यकर्त्यांनी केला आहे.