करवीर निवासिनी अंबाबाई मंदिराच्या मुख्य शिखरावर आता तब्बल अडीच कोटींचा दीड किलो सोन्याचा देखणा सुवर्णकळस चढवण्यात आलायय हा सोन्याचा कळस गोव्याचे माजी मुख्यमंत्री प्रतापसिंह राणे यांनी अर्पण केलाय. हा कळस कसा बसवण्यात आला ते पाहूयात..

अधिक महिना आणि देवीचा शुक्रवार असा योग साधत हा कळस बसवण्यात आलाय. गुरुवारी रात्री अकरा वाजल्यानंतर कळस बसवण्याच्या कामाला सुरुवात झाली. त्यासाठी खास 25 कर्मचारी कोल्हापूरमध्ये दाखल झाले होते. 200 किलो तांब्याचा डेरा आणि कळस बनवण्यात आला असून त्यावर दीड किलो सोन्याचा पत्रा बसवलाय. ज्याची किंमत साधारण अडीच कोटी इतकी आहे.

बंगळुरूच्या कारागिरांनी घडवलेला दीड किलो सोन्याचा कळसामुळे मंदिराचे सौंदर्य आणखीनच खुललंय. त्यामुळे यापुढे अंबाबाईच्या दर्शनासाठी येणाऱ्या भक्तांना दीड किलो सोन्याच्या कळसाचं आकर्षण असणार आहे.