अमर घटारे

अमरावती : राज्यात नुकताच ग्रामपंचातींचा निकाल जाहीर झाला. यात अनेक पक्ष्यांनी दावे प्रतिदावे करत राजकारण पाहायला मिळाले. मात्र अमरावती (Amaravati) जिल्ह्यतील वलगाव ग्रामपंचातमध्ये (Gram Panchayat) निवडून आलेल्या नवनियुक्त सरपंच सदस्यांनी पदभार स्वीकारण्या आधीच गाव स्वच्छ करून कामाला सुरुवात केली. (Tajya Batmya)

गावात गाव स्वच्छता अभियान सुरू केले. ज्या ठिकाणी संत गाडगे महाराज यांनी आपला शेवटचा देह ठेवला ते हे वलगाव गाव असून स्वच्छतेचा वसा घेऊन ही नवनियुक्त ग्रामपंचायतची बॉडी काम पुढे जाताना दिसून येत आहे. वलगाव ग्रामपंचायतमध्ये गेल्या पंधरा वर्षापासून काँग्रेसची सत्ता होती. मात्र आमदार बच्चू कडू (Bacchu Kadu) यांच्या प्रहार जनशक्ती पक्षाने या ठिकाणी सत्ता मिळविली.

सर्वाधीक मतांचा फरक

राज्यात सर्वाधिक सतराशे मताच्या फरकाने या ठिकाणी सरपंच सुधीर उगले हे प्रथमच थेट जनतेमधून निवडून आले. तसेच 13 सदस्य सुद्धा निवडून आणले आहेत. त्यामुळे जिल्ह्याच्या माजी पालकमंत्री व आमदार यशोमती ठाकूर यांना धक्का देत प्रहारने याठिकाणी वर्चस्व कायम केले आहे.