- रणजीत माजगावकर

Kolhapur News : काेल्हापूरातील श्री छत्रपती राजाराम सहकारी साखर कारखान्याच्या अध्यक्षपदी माजी आमदार अमल महाडिक (Amal Mahadik President Of Rajaram Sahakari Sakhar Karkhana) यांची तसेच उपाध्यक्षपदी नारायण चव्हाण यांची एकमताने आज (मंगळवार) निवड झाली. या निवडीनंतर संचालकांनी, सभासदांनी तसेच कार्यकर्त्यांनी दाेन्ही पदाधिका-यांना भावा वाटचालीस शुभेच्छा दिल्या. (Maharashtra News)

कोल्हापूर जिल्ह्यातील श्री छत्रपती राजाराम सहकारी साखर कारखान्याची पंचवार्षिक निवडणूक राज्यात चांगलीच गाजली होती. माजी आमदार महादेवराव महाडिक विरुद्ध माजी गृहराज्यमंत्री काँग्रेसचे आमदार सतेज पाटील यांच्यात ही निवडणुक झाली.

या निवडणुकीत महादेवराव महाडिक पॅनलने सतेज पाटील यांच्या पॅनलचा पराभव करत विजय मिळवला होता. आज (मंगळवार) या साखर कारखान्याच्या नवनिर्वाचित संचालकांची पहिली सभा बोलाविण्यात आली.

या सभेत नवीन अध्यक्ष पदाची निवड करण्यात आली. नव्या संचालकांची पहिली बैठकीतच श्री राजाराम सहकारी साखर कारखान्याचे नूतन अध्यक्ष म्हणून माजी आमदार अमल महाडिक यांची निवड झाली. या कारखान्याच्या उपाध्यक्षपदी दिलीप उलपे यांना संधी मिळेल अशी शक्यता हाेती. दरम्यान कारखान्याच्या उपाध्यक्षपदी नारायण चव्हाण यांची निवड झाली आहे.

Edited By : Siddharth Latkar