अक्षय गवळी 
अकोला : अकोला शहरातल्या तुकाराम चौक ते मलकापूर रस्त्याच्या अतिशय दयनीय अवस्था झाली आहे. याकडे लक्ष वेधून (Akola) त्याचे काम तातडीने सुरु करण्यात यावे; या मागणीसाठी आज अनोखे आंदोलन उभारण्यात आले. यात सुरवातीला मुंडन करून रस्त्यावर म्हैस आणत निषेध नोंदविण्यात आला. (Live Marathi News)

अकोला शहरातील तुकाराम चौक ते मलकापूर या रस्त्याची दुरावस्था झाली आहे. यासाठी शिवसेना (Shiv Sena) उद्धव ठाकरे गटाचे माजी नगरसेवक मंगेश काळे मित्रमंडळ व 'निर्भय बनो जन आंदोलन'च्या वतीने गेल्या सोमवारपासून सुरू असलेल्या बेमुदत उपोषणाच्या चौथ्या दिवशी उपोषणकर्त्यांनी मुंडण आंदोलन केले. इतकेच नव्हे तर म्हैस आणून त्याद्वारे रस्त्याच्या मधोमध निषेध व्यक्त करण्यात आला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रस्ता त्वरित व्हावा म्हणून शासन, प्रशासनास जन प्रतिनिधी यांना पाचवेळा निवेदन दिले आहेत. तसेच अनेकवेळा आंदोलन केली आहेत. परंतु शासनाने आश्वासने देऊन आंदोलन संपवली. परंतु तुकाराम चौक ते मलकापूर या अर्धा किलोमीटरच्या रस्त्याचे काम अद्याप पर्यंत पूर्ण न झाल्यामुळे तुकाराम चौकात हे उपोषण सुरू आहे.