- हर्षदा सोनोने 

Akola News : सरकारने मनोहर भिडे सारख्या विकृत प्रवृत्ती वेळीच ठेचुन काढाव्यात अन्यथा युवक काॅंग्रेस मनोहर भिडे यांना महाराष्ट्रात फिरु देणार नाही असा इशारा देत युवक काॅंग्रेसचे प्रवक्ते कपिल ढाेके (Kapil Dhoke) यांनी शिवप्रतिष्ठान हिंदुस्थानचे अध्यक्ष मनाेहर (संभाजी) भिडे (Shiv Pratishthan Hindustan Sambhaji Bhide) यांचा अमरावती येथील वक्तव्याचा निषेध नाेंदविला. (Maharashtra News)

काॅंग्रेसचे प्रवक्ते कपिल ढोके म्हणाले मनोहर भिडे यांनी महात्मा गांधी यांच्या वडीलांच्या बाबतीत केलेले विधान अतिशय निंदनीय आहे. त्याचा आम्ही निषेध करतो. या देशात पंतप्रधान नरेंद्र मोदी (pm narendra modi) यांच्या विरोधात बोलले म्हणुन राहुल गांधींना (rahul gandhi) निलंबीत केले जाते.

देशाचे राष्ट्रपिता असलेल्या महात्मा गांधींच्या वडीलांच्या बाबतीत खालच्या पातळीवर बोलणाऱ्या मनोहर भिडे यांना मोकाट फिरु दिले जात आहे. यामुळे एकाला एक न्याय आणि दुस-याला एक न्याय हे याेग्य नाही. हा देश कुठल्या दिशेने चालला आहे असा प्रश्न सुद्धा काॅंग्रेसचे प्रवक्ते कपिल ढोके यांनी उपस्थित केला आहे.

Edited By : Siddharth Latkar