हर्षदा सोनोने 

अकोला : अकोला जिल्ह्यातील बाळापूर तालुक्यातील उरळ पोलीस स्टेशनच्या हद्दीत रात्रीच्या वेळी पोलिसांचे (Police) पेट्रोलिंग सुरु होती. मात्र रात्रीच्या अंधारात अज्ञातांकडून पेट्रोलिंग करताना (Akola) पोलिसांवर गोळीबार करण्यात आल्याची घटना घडली. या घटनेत एक पोलीस कर्मचारी जखमी झाला आहे. (Tajya Batmya)

पोलिसांकडून रात्रीच्यावेळी गस्त म्हणून पोलीस कारभारी पेट्रोलिंग करत असतात. अशाच प्रकारे अकोला जिल्ह्यातील बाळापुर तालुक्यातील उरळ पोलीस स्टेशन हद्दीत रात्रीच्या सुमारास पोलिसांकडून पेट्रोलिंग सुरु होते. दरम्यान पेट्रोलिंग करणाऱ्या पोलिसांवर दुचाकीवर आलेल्यांनी गोळीबार केला. सुदैवाने यात कोणती जीवितहानी झाली नसून एक पोलीस कर्मचारी जखमी झाला आहे. तर त्याच्यावर उरळ येथील पीएससीमध्ये उपचार सुरू आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हल्लेखोर पसार 

पोलिसांवर गोळीबार करणारे हल्लेखोर पळून जाण्यात यशस्वी झाले असून या परिसरात दरोडा टाकण्याच्या उद्देशाने आले असल्याची प्राथमिक माहिती समोर आली आहे. पण यावर उरळ पोलीस आणि जिल्हा पोलीस अधीक्षक यांनी चुप्पी साधली असल्याने नेमकी ही चुप्पीच्या मागच कारण काय; हा प्रश्न उपस्थित होत आहे.