अकोला : जिल्ह्यात कोविडची स्थिती नियंत्रणात असताना चार जणांचे अहवाल पॉझिटिव्ह आले आहेत. दरम्यान एकाने कोविडवर (Covid 19) मात केल्याने त्याला डिस्चार्ज देण्यात आला आहे. (Live Marathi News)

चीनमध्‍ये कोरोनाने (Corona News) कहर माजविला आहे. यामुळे देश व राज्‍य अलर्ट झाले आहे. मास्‍क सक्‍ती देखील होवू शकते. दरम्‍यान गत पाच दिवसांत जिल्ह्यात कोविडचा एकही रुग्ण आढळला नव्हता. मात्र, अचानक चार नवे रुग्ण आढळल्याने अकोलेकरांची (Akola) चिंता वाढली आहे. कोविडचा धोका अजूनही पूर्णतः गेलेला नाही. त्यामुळे नागरिकांनी आवश्यक ती खबरदारी घेण्याची गरज आहे.

आठ सक्रिय रुग्ण

प्राप्त अहवालानुसार जिल्ह्यात कोविडचे चार रुग्ण आढळून आले आहेत. रुग्णांमध्ये तीन महिला व एक पुरुष रुग्णाचा समावेश असून हे रुग्ण मूर्तिजापूर आणि महापालिका क्षेत्रातील रहिवासी आहेत. दरम्यान एका रुग्णाने कोविडवर मात केल्याने त्याला डिस्चार्ज देण्यात आला. त्यामुळे जिल्ह्यातील कोविडच्या सक्रिय रुग्णांची संख्या आठवर पोहोचली आहे. आठही रुग्ण गृहविलगीकरणात असून त्यांची प्रकृती स्थिर असल्याची माहिती आरोग्य विभागामार्फत देण्यात आली.