Akola Crime News: अकोला जिल्ह्यातून एक भयंकर घटना समोर आली आहे. एका व्यक्तीनं पत्नीसोबत अनैतिक संबध असल्याच्या संशयातून ३५ वर्षीय व्यक्तीचा खून केला आहे. तेल्हारा तालुक्यातील हिवरखेड पोलीस स्टेशन हद्दीतील बोरव्हा गावात ही घटना घडली. या घटनेनं परिसरात मोठी खळबळ उडाली आहे.  (Breaking Marathi News)

भुरेलाल लालसिंग चोंगळ असं हत्या करण्यात आलेल्या व्यक्तीचे नाव असून अंतरसिंग भावरा मोरी असं मारेकरी (Crime News) म्हणजे खून करणाऱ्या आरोपीचं नाव आहे. पत्नी बरोबर अनैतिक संबध आहेत. या संशयावरून अंतरसिंगनं देशी कट्टयातून भुरेलालच्या छातीवर दोन गोळ्या झाडून हत्या केली.

काय आहे संपूर्ण घटना?

अकोला (Akola News) जिल्ह्यातील हिवरखेड पोलीस स्टेशनचे पोलीस निरीक्षक विजय चव्हाण यांनी दिलेल्या माहितीनुसार, तेल्हारा तालुक्यातल्या बोरव्हा गावात एका व्यक्तीवर गोळ्या झाडून हत्या करण्यात आली. या माहितीनंतर लागलीच घटनास्थळी हिवरखेड पोलिसांनी भेट दिली.

पोलिसांनी (Police) घटनेचा पंचनामा करून मृतदेह वैद्यकीय तपासण्यासाठी पाठवून दिला होता. या दरम्यान, भुरेलाल लालसिंग चोंगळ असं हत्या झालेल्या व्यक्तीचे नाव असल्याच समोर आलं. या घटनेचा अधिक तपास केला असता, पोलिसांना गावातीलच अंतरसिंग नावाच्या व्यक्तीने भुरेलालची हत्या केल्या असल्याचं उघड झालं.  (Latest Marathi News)

या घटनेसंदर्भात हिवरखेड पोलीस ठाण्यात खुनाचा गुन्हा दाखल करण्यात आला असून मारेकरी अंतरसिंग हा घटनेपासून फरार आहे. या घटनेनं परिसरात मोठी खळबळ उडाली असून पोलिसांनी आरोपीच्या शोधात वेगवेगळी पथके रवाना केली आहे.

Edited by - Satish Daud