Akola City Kotwali Police Station News : अकोला (akola) शहरातील सिटी कोतवाली पोलीस स्टेशन (city kotwali police station) हद्दीत येत असलेल्या पोलीस मुख्यालया समोरील कमला नेहरू नगर येथे किरकोळ कारणाने वाद झाला. या वादाचे रूपांतर भांडणात होऊन एका 16 वर्षीय युवकाचा (youth) धारधार चाकूने गळ्यावर, डोक्यावर वार करून खून करण्यात आला. (Maharashtra News)

घटनास्थळावरुन आणि पाेलीसांकडून मिळालेल्या माहिती नुसार रोहन रणधीर सोळंके (वय 16, राहणार कमला नेहरू नगर) असे मृत युवकाचे नाव आहे. त्याच्येवर चाकूने मानेवर, डोक्यावर सपासप वार करण्यात आले. रक्ताच्या थारोळ्यात पडलेल्या रोहनचा घटनास्थळीच मृत्यू झाला. ही घटना घडल्यानंतर संशयितांनी घटनास्थळावरून पळ काढला आहे.

दरम्यान पोलीस या घटनेचा कसून तपास करीत आहेत. घटनास्थळी पोलिसांचा ताफा तैनात करण्यात आला आहे. नेमकी ही हत्या का झाली ? नेमकं हत्येमागील कारण काय? किती मारेकरी होते? हे अनुत्तरीय प्रश्न असून याचे उत्तर संशयित आरोपींना पकडल्या नंतरच काळू शकेल.

Edited By : Siddharth Latkar