अक्षय गवळी 

अकोला : अकोल्यात कपड्यांच्या दुकानामधून हजारोंचा माल लंपास करण्यात आल्याची घटना घडली होती. हा माळ चोरी करणारे चोरटे अकोला पोलिसांच्या ताब्यात सापडले आहेत. लातूर जिल्ह्यातील हे चोरटे असून त्यांना अकोल्यातील सिव्हिल लाईन चौकातील नामाकिंत 'तायबा' शोरूम'मध्ये झालेल्या चोरी प्रकरणी ताब्यात घेण्यात आले आहे. 

अकोल्यातल्या (Akola) सिव्हिल लाईन चौकात असलेले तायबा शोरूम चोरट्यानी फोडले होते. पहाटे पावणे पाच वाजण्याच्या सुमारास हा चोरीचा प्रकार घडला होता. चोरीचा संपूर्ण प्रकार दुकानातील सीसीटीव्ही कॅमेरामध्ये कैद झाला होता. यात पाच ते सहा चोरटे कपड्यांच्या शोरूमचे शटर वाकवून आत प्रवेश करून शर्ट, टिशर्ट आणि पॅंटसह गल्ल्यातील ४० ते ५० हजार रुपयांवर हात साफ़ केला होता. (Crime News) या प्रकरणी पोलिसात तक्रार नोंदविण्यात आली होती. यानंतर पोलिसांनी चोरट्यांचा तपास सुरु केला होता.

सीसीटीव्ही फुटेजच्या आधारे पोलिसांनी (Police) तपास सुरु केल्यानंतर चोरटे लातूर जिल्ह्यातील असल्याची माहिती मिळाली. यानंतर पोलिसांनी तपासाची चक्रे फिरवत मोहम्मद राशीद उर्फ गब्बरू मोहम्मद मुशाहीद, मोहम्मद सलमान मोहम्मद शोकीन, मोहम्मद नदिम मोहम्मद बुदुखॉ, मोहम्मद नदिम मोहम्मद कल्लु या चौघांना अटक केली आहे.