Akola Crime News : अकोल्यातून धक्कादायक बातमी समोर आली आहे. अल्पवयीन मुलीस फूस लावून पळवून नेणाऱ्या तरुणाने तरुणाने आत्महत्या केल्याची धक्कादायक घटना घडली आहे. अकोला जिल्ह्यातील बाळापूर तालुक्यातील उरळ पोलीस ठाण्याच्या हद्दीत ही घटना घडली आहे. या घटनेने परिसरता एकच खळबळ उडाली आहे. (Latest Marathi News)

मिळालेल्या माहितीनुसार, अकोला जिल्ह्यातल्या बाळापूर तालुक्यातील उरळ पोलीस ठाण्यांतर्गत येणाऱ्या भागात एका अल्पवयीन मुलीस फूस लावून पळवून नेण्यात आले होते. या प्रकरणातील आरोपी युवकावर उरळ पोलिसांनी युवकाविरुद्ध गुन्हा नोंद करण्यात आला होता.

अकोल्यातील (Akola) या प्रेमीयुगुलाने उरळ येथील प्राथमिक आरोग्य केंद्रासमोर आत्महत्येचा प्रयत्न केला होता. त्यानंतर दोघांना रुग्णालयात दाखल केले. परंतु उपचारादरम्यान युवकाचा मृ्त्यू झाला आहे. अतुल संजय वायधने असे मृतक युवकाचे नाव आहे. अतुलच्या आत्महत्येनंतर त्याच्या भावाने पोलीस स्टेशनमधील पीएसआयच्या दबावामुळे भावाने आत्महत्या केल्याचा आरोप केला आहे.

नेमकं काय घडलं ?

सांगवी खुर्द येथील अतुल संजय वायधने याचे उरळ पोलिस ठाण्याच्या हद्दीत एका गावातील मुलीसोबत प्रेमसंबंध होते. ही बाब मुलीच्या कुटुंबाला समजली. त्यामुळे मुलीवर दबाव आणून कुटुंबीयांना अतुल याच्याविरुद्ध उरळ पोलिस ठाण्यात तक्रार दिली होती. त्यानुसार पोलिसांनी (Police) अॅट्रॉसिटीनुसार गुन्हा दाखल करून त्याला अटक केली होती.

दरम्यान, या दोघांनी प्राथमिक आरोग्य केंद्रासमोर आत्महत्या करण्याचा प्रयत्न केला. त्यात अतुल वायधनेचा रुग्णालयात मृत्यू झाला. अतुलच्या मृत्यूने त्यांच्या कुटुंबावर दु:खाचा डोंगर कोसळला आहे. अतुलचं घर असलेल्या परिसरात शोककळा पसरली आहे.