हर्षदा सोनोने

Akola Breaking News

नमो चषकादरम्यान प्रेक्षक गॅलरी कोसळून 70 हून अधिक लोक जखमी झाले झाल्याची माहिती आहे. अकोला जिल्ह्यातल्या बार्शीटाकळी तालुक्यातल्या दगडपारवा येथे ही दुर्घटना घडली आहे. जखमींना तात्काळ अकोला जिल्हा रुग्णालयात उपचारासाठी दाखल करण्यात आलं आहे.

घटनास्थळावरून मिळालेल्या माहितीनुसार, अकोला जिल्ह्यातील बार्शीटाकळी तालुक्यात नमो चषक सुरू आहे. 12 ते 14 जानेवारी दरम्यान या ठिकाणी कब्बडी आणि बॉडी बिल्डिंगचे सामने ठेवण्यात आले होते. दरम्यान आज अंतिम सामने सुरू असताना हे सामने पाहण्यासाठी प्रेक्षकांसाठी बांधण्यात आलेली गॅलरी अचानक कोसळली. यात 70 हून अधिक प्रेक्षक जखमी झाले आहेत. जखमींना बार्शीटाकळी येथील सार्वजनिक रुग्णालयात उपचारासाठी दाखल करण्यात आलं आहे तर काहींना अकोला जिल्हा रुग्णालयात हलवण्यात येणार आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोंडाईबारी घाटाच्या पायथ्याशी भीषण अपघात 

धुळे सुरत राष्ट्रीय महामार्गावर कोंडाईबारी घाटाच्या पायथ्याशी भीषण अपघात झाला. साक्रीहून नवापूरच्या दिशेने जाणारी तवेरा कार आणि विसरवाडीहून साक्रीच्याविरुध्द दिशेने जाणाऱ्या ओमनी कारला ओव्हर टेक करण्याच्या नादात धडक दिल्याने ही घटना घडली. या अपघातात ओमनी कार वाहनातील चार जण जखमी असून दोन्ही वाहनांचे मोठे नुकसान झाले आहे.