अकोला : अकोल्यातील वारी हनुमान येथील येथे फिरायला गेलेल्या तरुणाला फोटो काढण्याचा मोह चांगलाच महागात पडला होता. नदीच्या पात्रातील दगडावर उभे राहून फोटो काढण्याच्या नादात सदर तरुण वाहून गेल्याची घटना काल घडली होती.

हे देखील पहा -

दरम्यान वाहून गेलेल्या युवकाचा मृतदेह अथक प्रयत्नानंतर शोधण्यात आलाय.अनिल रामकृष्ण सरोकार वय 24, रा, खांडवी ता, जळगाव जामोद, बुलढाणा असे मृत युवकाचे नाव आहे. सदर युवक हा होमगार्ड असून तो घरातील कर्ता होता. त्यामुळे परिवारावर दुःखाचा डोंगर कोसळला आहे.

हा युवक वारी हनुमान येथे आला होता. मात्र फोटो काढण्याच्या नादात जीव गमावून बसला. त्यामुळे वाहणाऱ्या पाण्यात असे काही प्रकार जीवघेणे ठरू शकतात. त्यामुळे आपल्या जीवाची काळजी घेणे आवश्यक आहे.

Edited By : Krushnarav Sathe