भाजप आमदार आणि माजी मंत्री राम शिंदे यांची विधानपरिषद सभापतीपदी बिनविरोध निवड झाली. यानिमित्ताने उपमुख्यमंत्री अजित पवार यांनी भाषण केलं. भाषण करताना राम शिंदेंना पराभव कसा फायद्याचा ठरला आणि त्यामुळे गिरीश महाजनांनाही कशी मंत्रिपदाची लॉटरी लागली हे अजितदादांनी सांगत जोरदार फटकेबाजी केलीये...कशी पाहूया..

महायुतीच्या राज्य मंत्रिमंडळाचा विस्तार झाला असून, सध्या नागपुरात हिवाळी अधिवेशन सुरुए.तरी खातेवाटप अद्याप झालेलं नाही. दुसरीकडे विधानपरिषदेमध्ये सभापतीपदाचा प्रस्ताव सादर करण्यात आला. भाजप आमदार आणि माजी मंत्री राम शिंदे यांची विधानपरिषद सभापतीपदी बिनविरोध निवड झाली. यानिमित्ताने उपमुख्यमंत्री अजित पवार यांनी भाषण केलं. भाषण करताना राम शिंदेंना पराभव कसा फायद्याचा ठरला आणि त्यामुळे गिरीश महाजनांनाही कशी मंत्रिपदाची लॉटरी लागली असं सांगताना अजितदादांनी जोरदार फटकेबाजी केली.

राम शिंदे यंदाच्या विधानसभा निवडणुकीत कर्जत जामखेड विधानसभा मतदारसंघातून उभे होते. रोहित पवारांनी त्यांचा 1100 मतांनी पराभव केला. अजित पवारांनी सभा न घेतल्यामुळेच पराभव झाल्याचा आरोप राम शिंदेंनी केला होता. त्यामुळे महायुतीतला वाद चव्हाट्यावर आला होता. मात्र हा पराभव सर्वांसाठी कशी संधी म्हणून कामाला आला असं अजितदादांनी सांगितलं असलं तरी सभापती पदावर वर्णी लागल्यामुळे राम शिंदें हा पराभव विसरणार की त्याचा भविष्यात वचपा काढणार याकडे लक्ष लागलंय.