ऐकलंत... देवेंद्र फडणवीसांच्या मुख्यमंत्रीपदाच्या वर्षपुर्तीच्या दिवशीच अजित पवारांच्या मुख्यमंत्रिपदाच्या चर्चा रंगल्या आहेत... आणि त्याला कारण ठरलंय अजित पवारांच्या राष्ट्रवादीचे आमदार अमोल मिटकरींनी केलेलं वक्तव्य....महायुती सरकारच्या द्विवर्षपुर्तीआधी अजितपर्व येणार असल्याचं मिटकरींनी म्हटलंय... तर अजित पवार वर्षभरात रुसुन कधी बारामतीला गेले नाहीत, असा खोचक टोलाही त्यांनी एकनाथ शिंदेंना लगावलाय...

मिटकरींच्या वक्तव्यानंतर शिंदेसेनेनं सावध प्रतिक्रिया दिलीय.. खरंतर मुख्यमंत्रिपदाबाबतची अजित पवारांची इच्छा काही लपून राहिलेली नाही... तर दुसरीकडे एकनाथ शिंदेंही मुख्यमंत्रिपदासाठी फिल्डिंग लावत असल्याची चर्चा आहे.... मात्र नगरपरिषद आणि नगरपंचायत निवडणुकीत भाजप आणि शिंदेसेनेतील मतभेद टोकाला गेलेत.त्यामुळे राजकीय समीकरणं बदलली आणि मुख्यमंत्रिपदाची चर्चा सुरु झाल्यास अजित पवारांच्या गळ्यात मुख्यमंत्रिपदाची माळ पडणार की अजित पवारांच्या नावावरचा उपमुख्यमंत्रिपदाचा विक्रम कायम राहणार... याकडे राज्याचं लक्ष लागलंय..