Maharashtra Live News Update: इतके दिवस शरद पवार का बोलले नाहीत? राहुल गांधींसोबतच्या भेटीचा हा परिणाम दिसतोय. निवडणूक आयोगाने बोलवल्यास कुणीही समोर जात नाही, असे देवेंद्र फडणवीस म्हणाले.
आज कार्यक्रमात मुख्यमंत्री म्हणून आलेलो नाही तर लाडक्या बहिणींच्या देवा भाऊ म्हणून आले. ज्याच्या मागे एवढ्या बहिणींचं साकडं, त्याचा कोण काय करू शकेल वाकडं. त्यामुळे अनेकांनी मनसुबे षडयंत्र रचले, घोषणा दिल्या, शिव्या दिल्या, त्रास दिला पण लाडक्या बहिणी पाठीशी होत्या. त्यामुळे आमचं काहीही वाकडे झालं नाही. आम्ही पुन्हा तुमच्या प्रेमाने आशीर्वादाने त्या ठिकाणी सत्तेवर आलोदेवेंद्र फडणवीस, मुख्यमंत्री महाराष्ट्र
नारळी पौर्णिमेच्या निमित्ताने पंढरपुरात महादेव कोळी समाजाची आज गंगापूजनाची भव्य मिरवणूक निघाली. परंपरेप्रमाणे कोळी समाज पंढरपुरात चंद्रभागा नदीला श्रीफळ अर्पण करून ओटी भरतो. यासाठी नदीतील होडी घेऊन पंढरपूर शहरातील नगररक्षणा मार्गावर कोळी समाजाने पारंपारिक पद्धतीने मिरवणूक काढली. वासुदेव , बँडपथक यासह शेकडो महिला या डोक्यावर श्रीफळ आणि कलश घेऊन गंगापूजनासाठी निघाल्या होत्या. नारळी पौर्णिमे दिवशी सुवर्ण श्रीफळ पंढरपुरात चंद्रभागा नदीला परंपरेप्रमाणे महादेव कोळी समाजाच्या वतीने अर्पण केले जाते. शोभायात्रेत हजारोंच्या संख्येने कोळी समाज बांधव सहभागी झाले होते.
सांगलीच्या रेठरे धरण येथील आमदार सदाभाऊ खोत यांच्या एस के इंटरनॅशनल सैनिक स्कूलमध्ये रक्षाबंधन उत्साहात पार पडला. वाळवा तालुक्यातील रेठरे धरण येथे आमदार सदाभाऊ खोत यांच्या एस के इंटरनॅशनल सैनिक स्कूलमध्ये बाल सवंगडी विद्यार्थी विद्यार्थिनी समवेत आमदार सदाभाऊ खोत यांच्या बहिणीने राखी बांधून औक्षण केले.. यावेळी सैनिक स्कूल मधील विद्यार्थी यांना विद्यार्थिनीने राख्या बांधून औक्षण केले..
- सोलापूर जिल्ह्यातील कामगारांसाठी महाराष्ट्र शुगर क्रिकेट लीगचे आयोजन करण्यात आलेय
- सोलापूर जिल्ह्यातील सर्व कारखान्याच्या टीम्स बनवून हे सामने भरविण्यात आलेत
- रोजच्या ताणतणावाच्या जीवनात कामगारांना तणावमुक्त होण्यासाठी याचे आयोजन करण्यात आलेय
- त्याचबरोबर कारखान्यातील एमडी आणि कामगार दोघेही खांद्याला खांदा लावून खेळल्याने समानतेची भावना देखील यातून जोपसण्यास मदत होणार आहे
- या क्रिकेट लीगच्या आयोजनानंतर आम्हाला राज्यभरातील साखर कारखान्यांनी राज्यस्तरीय सामने घेण्याची मागणी केलीय
- त्यामुळे आगामी काळात महाराष्ट्र शुगर क्रिकेट लीगचे स्वरूप राज्यव्यापी असणार आहे.
बहिण - भावांचा अतिशय पवित्र अशा नात्यांचा सण म्हणजे रक्षाबंधन..... याचं सणाच्या निमित्ताने वाघोलीतील गाडे कुटुंबीयांनी ज्ञानेश्वर माऊलींना अर्धा किलो पेक्षा जास्त वजनाची चांदीची राखी अर्पण केली आहे. वारकरी मंडळी हे ज्ञानेश्वर माऊलींना आपला सर्वस्व मानत असतात, अशा आपल्या बंधू स्वरूप ज्ञानेश्वर माऊली प्रति आपली कृतज्ञता व्यक्त करण्यासाठी वाघोली येथील गाडे ह्या वारकरी कुटुंबीयांनी सलग तीन वर्ष सोन्याची राखी आणि यावर्षी माऊलीच्या स्वर्ण कलशासाठी सोने दान करून माऊलींना अर्धा किलो पेक्षा जास्त वजनाची चांदीची राखी अर्पण करून रक्षाबंधनाचा सण साजरा केला आहे. तसेच यंदाच्या खरीप हंगामात राज्यातील शेतकरी बांधवांना चांगलं उत्पन्न मिळून त्यांची सुख, शांती आणि समृध्दीने भरभरून प्रगती होऊ दे अशी प्रार्थना गाडे कुटुंबीयांनी ज्ञानेश्वर माऊली चरणी केली आहे.
आनूर येथे बांधलेल्या सैनिक भावनाच्या लोकार्पण कार्यक्रमासाठी प्रमुख पाहुणे म्हणून मंत्री हसन मुश्रीफ गावात आले होते. यावेळी त्यांच्या स्वागतासाठी जमलेल्या आया-बहिणी त्यांना राख्या बांधल्या. यावेळी मंत्री मुश्रीफ म्हणाले, माझ्या या लाडक्या बहिणींच्या पाठीशी मी सदैव भाऊ म्हणून खंबीरपणे हिमालयासारखा उभा आहे. गेल्या ४० वर्षाच्या सामाजिक आणि राजकीय वाटचालीत माझ्या लाडक्या माता- भगिनींचे प्रेम आणि आशीर्वाद नेहमीच माझ्या पाठीशी आहेत. या पुण्याईच्या शिदोरीच्या जोरावरच नेहमीच यशस्वी होत आलो आहे. असेच आशीर्वाद आणि प्रेम माझ्यावर राहू द्या, हीच परमेश्वर चरणी प्रार्थना! या कार्यक्रमासाठी गावातील शंभरहून अधिक माता भगिनी जमल्या होत्या. मंत्री मुश्रीफ यांना बांधण्यासाठी महिलांनी राख्या आणल्या होत्या पंचारतीने ओवाळून औक्षण करून आपल्या लाडक्या भाऊरायाचे माता-भगिनींनी रक्षाबंधन केले.
हेदवतड मधील सभेत खोतकीबाबत केलेल्या विधानावरून उद्धव गटाचे नेते भास्कर जाधव आणि ब्राह्मण समाज यांच्यात नवा संघर्ष.
स्वतःच्या राजकीय स्वार्थासाठी गुहागर तालुक्यातील ऐक्याला बाधा आणत असल्याचा ब्राह्मण समाजाचा भास्कर जाधव यांच्यावर आरोप.... राजकीय प्रवासात ब्राह्मण समाजातील अनेक उंबरठे आणि ओट्या झिजवल्याची भास्कर जाधव यांना पत्राद्वारे करून दिली आठवण.
बांधकाम मंत्री शिवेंद्रराजे भोसले यांनी मुंबई गोवा महामार्गाची पाहणी केली.
तरी लांजा तालुक्यातील वेरळ घाटातील एक वळण सध्या धोकादायक बनलंय.
अवजड वाहनांना इथून टर्न मारताना सध्या तारेवरची कसरतच करावी लागलेत.
तर या वळणावर असलेले खड्डे प्रवाशांची आणखी डोकेदुखी वाढतव आहेत.
बांधकाम मंत्री यांनी या वळणा संदर्भात तोडगा काढण्याची मागणी होतेय.
अंबरनाथमधील नवीन न्यायालयाचं उदघाट्न उपमुख्यमंत्री एकनाथ शिंदेंच्या आज होत असून . राज्याचे उपमुख्यमंत्री एकनाथ शिंदेंच्या अंबरनाथ मध्ये दाखल झाले आहेत, अंबरनाथ न्यायालय सुरू झाल्यानंतर उल्हासनगर किंवा कल्याणला न जाता आता अंबरनाथमध्येच न्यायनिवाडा होणार असून नागरिकांचा वेळ आणि पैसा वाचणार आहे. हा कार्यक्रम यशस्वीरित्या पार पाडण्यासाठी जिल्हा न्यायालय ठाणे, जिल्हा न्यायालय कल्याण आणि उल्हासनगर तालुका वकील संघटना करत होत्या
भाजप आमदार गोपीचंद पडळकर यांनी रक्षाबंधन सण साजरा केला आहे. सांगलीच्या पडळकरवाडी या ठिकाणी आमदार गोपीचंद पडळकर यांनी त्यांच्या चुलत बहिणीकडुन राखी बांधून घेतली आहे.औक्षण करत पारंपरिक पद्धतीने बहीण अनुसया सरंगर यांनी गोपीचंद पडळकर यांना राखी बांधत रक्षाबंधन साजरा केला आहे.
नांदेड जिल्ह्यात मागील दोन दिवसापासून जोरदार पाऊस सुरू आहे.
रात्री हदगाव तालुक्यातील आमगव्हाण येथे ढगफुटी सदृश्य पाऊस झाला आहे.
या पावसामुळे नदीला पूर आला.
या पुराचे पाणी आमगव्हाण येथील नागरिकांच्या घरात शिरला आहे.
आमगव्हाण ते शेबाळपिंपरी हा मार्ग देखील बंद झाला आहे.
प्रवास तिकिटात 50 टक्के सूट असल्याने महिलांची एसटी बसने जाण्यासाठी पसंती...
सकाळपासून अमरावती मध्यवर्ती बस स्थानकात महिलांची मोठी गर्दी..
रक्षाबंधनच्या निमित्ताने गावी जाण्यासाठी गर्दी...
- बंदुक हातात घेऊन रील बनवुन सोशल मीडियावर व्हायरल करत दहशत निर्माण करण्याचा प्रयत्न.
- संबंधित तरूण वाल्मीक कराडचा समर्थक असल्याचा दावा केला जातोय.
- पोलीसांकडून तात्काळ कारवाई व्हावी अशी मागणी.
-
महाराष्ट्रात फिरतोय आम्ही सुरळीत कारण बॉस आमचा परळीत डीएम साहेब आपणास अभिष्टचिंतनाच्या शुभेच्छा.. ! अमोल गरजेचा दुसरा व्हिडिओ
मागील अनेक दिवसापासून पावसाने पाठ फिरवली.
त्यातच आज यवतमाळच्या पुसद तालुक्यातील बोरगडी येथील पार्क मधील पुलाचे पाणी गावात शिरले.
यामुळे अनेकांच्या घरातील अन्न धान्य साहित्याची नासाडी झाली.
तर दुसरीकडे आरेगाव येथे मुसळधार पाऊस पडल्याने शेतशिवार जलमय झाल्याचे चित्र पाहायला मिळाले.
रक्षाबंधन आणि नारळी पौर्णिमे निमित्ताने श्री विठ्ठल रूक्मिणी मातेस पारंपारिक अलंकार परिधान करण्यात आले आहेत.
त्यामध्ये श्री विठ्ठलास सोने मुकुट, नाम निळाचा, कौस्तुभ मणी, मोठ्या दंडपेट्या जोड, हि-याचा कंगन जोड, मोत्याची कंठी, मोत्याचा तुरा, लहान व मोठा शिरपेच, मत्स्य जोड, मोठी बोरमाळ, लक्ष्मीहार, तोडे जोड, मोहनमाळ, तुळशीची माळ तसेच श्री रूक्मिणी मातेस सोने मुकुट, वाक्या जोड, तोडे जोड, तानवड जोड, चिंचपेटी तांबडी, जवमणी पदक, जवेच्या माळा, लक्ष्मीहार, मोहरांची माळ, पुतळ्यांची माळ, हायकोल, सरी, कंबरपट्टा इत्यादी अलंकार परिधान करण्यात आले.
शेतकऱ्यांच्या प्रश्नावर राज्यभर आक्रमक भूमिका घेणारे, फायर ब्रँड नेते रविकांत तुपकर आंदोलन सोडून कधी कधी सण आणि संस्कृती जोपासताना नाही दिसतात. रविकांत तुपकर यांनी आज सकाळीच बुलडाणा शहरात मोठ्या बहिणीच्या घरी जाऊन रक्षाबंधन साजरे केले. तुपकरांची मोठी बहीण मीनाताई ह्या पळसखेड गावच्या पोलीस पाटील आहेत. आंदोलन, राज्यभर दौरे, सभा या गडबडीत वर्षभर बहिणीकडे जाणे होत नाही.
- यामध्ये राकेश भीमाशंकर कुदरे, श्रीकांत बाबुराव सुरपुरे या दोन आरोपीना पोलिसांनी ताब्यात घेतलेय.
- या दोन आरोपीना कर्नाटकातील इंडी गावातून ताब्यात घेतलेय
- आमदार गोपीचंद पडळकर समर्थक शरणू हांडेचे अपहरण करुन जीवे मारण्याचा प्रयत्न केल्याप्रकरणी आता एकूण 6 जणांवर गुन्हा दाखल
- यापुर्वी अमित सुरवसेसह 4 आरोपीना काल न्यायालयाने 4 दिवसांची पोलीस कोठडी सुनावली होती
- त्यानंतर काल रात्रीच्या सुमारास सोलापूर पोलीसांनी आणखी दोन आरोपीना ताब्यात घेतले
शहरात १०० टक्के पाणी मीटर बसवा
शहरातील २ लाख ६३ नळ जोडणीपैकी अवघे १ लाख ८५ हजार मीटर बसवण्यात आले
अजून ७७ हजार बाकी आहेत एका महिन्यात कस उद्दिष्ट पूर्ण होणार याची चर्चा
दिवसाला २ हजार मीटर बसवणे अपेक्षित असताना अवघी ३०० मीटर बसवले जातात
महापालिकेने शहरातील २० ठिकाणी कबुतरांना सार्वजनिक खाद्य टाकण्यास बंदी केली आहे
त्याच उल्लंघन करणाऱ्यांना ५०० रुपयाचा दंड केला जातो
मात्र पुण्यातील शाश्वत फाउंडेशनने या बंदीला विरोध करणारी याचिका दाखल केली आहे
२०२३ मध्ये पालिकेने हा निर्णय घेतला होता
मात्र कबुतरांचा हक्क हिरावून घेतला जातोय फाउंडेशनच म्हणणं
उच्च न्यायालयात याचिका केली दाखल
पालिका म्हणते शहरात केवळ २४७ खड्डे बुजवणे बाकी
मात्र शहरात नागरिकांच्या खड्ड्या विषयी अनेक तक्रारी
पावसाळ्यात पडलेल्या खड्ड्यांचा नागरिकांना त्रास
मात्र पालिकेने जवळपास ११ हजार खड्डे बुजवल्याचा पालिकेचा दावा
सुरक्षा व्यवस्थेत कसूर केल्याप्रकरणी सुरक्षा रक्षकांची दुसरीकडे बदली
सुरक्ष रक्षकांच्या बदलीचे आदेश काढण्यात आलेत
सुरक्षा रक्षक असताना मनसे पदाधिकारी विनापरवानगी आत कसे घुसले आणि त्यानंतर गोंधळ झाला
सुरक्षेत कसूर ठेवल्या विरोधात सुरक्षा रक्षकांची बदली
जागतिक आदिवासी दिनानिमित्ताने चिमुकल्या आदिवासी विद्यार्थ्यांचा भन्नाट डान्स....
शहादा तालुक्यातील परिवर्दा जिल्हा परिषद शाळेत आदिवासी दिनानिमित्त खास कार्यक्रमाचा आयोजन...
आदिवासी परंपरा जपणाऱ्या पारंपारिक वेशभूषा परिधान करत चिमुकल्याने धरला आदिवासी गाण्यांवर ठेका....
आदिवासी महिलांचे पारंपारिक पोशाख असलेल्या नाटी परिधान करून विद्यार्थिनींनी सादर केला डान्स....
आदिवासी गाण्यांवर थिरकले जिल्हा परिषद शाळेचे विद्यार्थी.....
ड्रग्स प्रकरणातील जामीनावर बाहेर असलेले आरोपी विनोद गंगणे याच्या पाठीवर महसूलमंत्री बानकूले यांनी तुळजापुरात झालेल्या नागरी सत्कार कार्यक्रमात कौतुकाची थाप मारल्यानंतर जिल्ह्यातील राजकारण पुन्हा एखदा तापले आहे.धाराशिवचे ठाकरे गटाचे खासदार ओमराजे निंबाळकर व तुळजापूरचे भाजपा आमदार राणाजगजितसिंह पाटील यांनी पुन्हा एखदा एकमेकांवर आरोप प्रत्यारोपाच्या फैरी झाडल्या आहेत.
रक्षाबंधनाच्या पार्श्वभूमीवर शहरात सध्या एक वेगळाच उपक्रम चर्चेत आहे.
दापोली एसटी बस स्थानकात एक तरुण हातात एक भावनिक संदेश असलेला पोस्टर घेऊन उभा आहे.
या पोस्टरवर लिहिलेल्या वाक्याने अनेकांचे लक्ष वेधून घेतले आहे.
"राखी बांधून जाशील का… पण तू माझी खरी लाडकी बहीण होशील का?" हा प्रश्न विचारणा-या 'पोस्टर बॉय' याची चर्चा सध्या प्रवाशांमध्ये सुरू आहे
परिस्थिती मात करत आदिवासी तरुणी बनली धावपटू....
नुकत्याच जर्मनी देशात झालेल्या मॅरेथॉन स्पर्धेत आरती पावरा चा सहभाग....
आदिवासी तरुणीची विदेशात केलं भारताच प्रतिनिधित्व....
यवतमाळ जिल्ह्यात वीस दिवसानंतर बरसलेल्या पावसाने कापूस, सोयाबीन, तूर आणि इतर पिकांना उभारी मिळाली आहे. यामुळे शेतीच्या कामांना वेग येणार असून पावसाची सरासरी 28 मिमी नोंद करण्यात आली आहे, तर पाच मंडळात हा पाऊस जोरदार बसल्याने अतिवृष्टीची नोंद करण्यात आली आहे.
- एक्झामिनेशन करण्यासाठी ट्रेन लेट सोडली असल्याचा प्रशासनाची माहिती
- ज्या प्रवाशांनी ट्रेनसाठी आरक्षण केलेले होते त्यांना काल सायंकाळी सात वाजताच याची माहिती देण्यात आली होती
- ट्रेन उशिराच सुटणार होती असा मेसेज आरक्षित प्रवाशांना करण्यात आला होता
- मात्र ज्यांचे तिकीट कन्फर्म नव्हते त्यांना याबाबत माहिती नसल्याने त्यांची झाली गैरसोय
यवतमाळ जिल्हा मध्यवर्ती सहकारी बँकेच्या पद भरतीला मंजुरी मिळाली असून पदभरती आपल्याच काळात व्हावी यासाठी संचालकांचे प्रयत्न सुरू आहे.
यामुळे आता संचालकांनी मुदत वाढीचे प्रयत्न सुरू केले आहेत.
स्थानिक स्वराज्य संस्थेच्या निवडणुका असल्याचे कारण देत मुद्दत वाढीचा प्रस्ताव शासनाकडे दाखल केला आहे.
पनवेल तालुक्यातील साई गावातील भोंडकर कुटुंबाची 108 गुंठे जागा विकण्याचा पराक्रम नायब तहसीलदार एम के म्हात्रे आणि मंडळ अधिकारी दमयंती म्हात्रे यांनी केल्या आहे त्या जागेचा मालक उभा करून सावकार बनावट पद्धतीने त्या शेतकरी जागा त्याचं काम या अधिकाऱ्यांनी केलेला आहे त्यांच्यावर कारवाई करण्यासाठी शेतकरी कामगार पक्षाकडून पनवेल येथील प्रांत कार्यालयावर मोर्चा शेतकऱ्यांनी नेला अशा अधिकाऱ्यांवर कारवाई करावी अशी मागणी शेतकऱ्यांनी केली आहे
सध्या यवतमाळ पोलीस ॲक्शन मोडवर आल्याचे दिसून येत असून उमरखेड शहरातील गुन्हेगारी टोळीतील आरोपी शेख मुदस्सीर, शेख जमील यांच्यासह 12 जणांवर महाराष्ट्र संघटित गुन्हेगारी नियंत्रण कायद्याअंतर्गत कारवाई केल्याने गुन्हेगारी वर्तुळात यांची मोठी चर्चा होत आहेत.जिल्हा पोलीस अधीक्षक कुमार चिंता यांनी गुन्हेगारांच्या कुठल्या बाहेर काढण्याचे आदेश स्थानिक पोलीस प्रशासनांना दिले आहे त्यामुळे अजून किती जणांवर मोकका अंतर्गत कारवाई केल्या जाते हे पाहावे लागणार आहे.
प्रवासी प्रचंड संतप्त
प्रवश्यानी रेल्वे स्थानकात घातला राडा
मध्य रात्री १२ वाजता येणारी विशेष ट्रेन सहा तास उलटले तरी आली नाही
रेल्वे प्रशासनाचा चालकाशी संपर्कच होत नसल्याचे अधिकारी देत आहेत कारण
अधिकाऱ्यांना ही घातला प्रवाश्यांनी घेराव
सहा वाजता निघणारी गीतांजली एक्सप्रेस जाऊ देणार नाही असा घेतला प्रवाश्यांनी पवित्रा
रेल रोको करण्याच्या प्रवासी तयारीत
खेवलकरच्या मोबाईलमध्ये ज्या व्हिडिओ क्लीप सापडल्यात, त्या पैकी 4 तरुणींनी पोलिसांनी शोधून काढल्याची माहिती आहे.
या तरुणींनी तक्रार केल्यास खेवलकरविरोधात महिला अत्याचाराचे गुन्हे दाखल होण्याची शक्यता आहे.
महिला आयोगाचे अध्यक्ष रूपाली चाकणकर यांनी या संदर्भात पत्रकार परिषद घेत दिली होती माहिती..
पोलिसांनी शोध घेतलेल्या महिला तक्रार दाखल करतात का ते पाहावं लागणार
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.