राज्यातील 29 महापालिकांपैकी तब्बल 23 महापालिकांमध्ये भाजप आणि महायुतीचं वर्चस्व प्रस्थापित केलंय.. मात्र त्यानंतरही राज्यात चर्चा रंगलीय ती एमआयएमने मारलेल्या मुसंडीची... कारण गेल्या महापालिका निवडणुकीत राज्यात चंचूप्रवेश केलेल्या एमआयएमने आता 29 पैकी 13 महापालिकेत धमाका केलाय एमआयएमचे तब्बल 125 नगरसेवक विजयी झालेत...

MIMचे 125 उमेदवार विजयी

संभाजीनगर - 33

मालेगाव - 20

नांदेड - 15

अमरावती - 12

धुळे - 10

सोलापूर - 8

मुंबई - 8

नागपूर - 6

ठाणे - 5

अकोला - 3

जालना - 2

अहिल्यानगर - 2

चंद्रपूर - 1

खरं तर भारताच्या स्वातंत्र्यापासून अल्पसंख्याक मतदार हा धर्मनिरपेक्ष पक्षांच्या पाठीशी राहिला.. मात्र गेल्या काही वर्षात धार्मिक धृवीकरणाचं राजकारण रंगात आलंय.. त्यातच बहुसंख्याक विरुद्ध अल्पसंख्याक असा संघर्ष निर्माण करत मुस्लीमांना दुय्यम भुमिकेत लोटण्याचा प्रयत्न देशात होताना दिसत आहे.. ..

त्यात कोणताही धर्मनिरपेक्ष पक्ष बहुसंख्यांक मतं दुरावण्याच्या भीतीने उघडपणे मुस्लीमांची बाजू घेताना दिसत नाही...याच दरम्यान भाजप आणि शिंदेसेनेनं थेटपणे विकासाऐवजी हिंदुत्वाचा मुदद्दा पुढे केला...