अहमदनगर: दरोड्याच्या तयारीत असणारे 2 अट्टल दरोडेखोर श्रीगोंदा पोलिसांनी जेरबंद केले आहेत. पोलिसांनी छापा टाकून या दरोडेखोरांना अटक केलीये. तर, चार आरोपी पळून गेले आहेत. यांच्याकडून 1 लाख 21 हजारांचा मुद्देमाल जप्त करण्यात आला आहे (Ahmednagar Police Arrest Two Robbers After Secret information).

अहमदनगर (Ahmednagar) पोलिसांना गुप्त बातमीदाराकडून माहिती मिळाकी की, अहमदनगर सोलापूर रोडवर मांडवगन बन-पिंपरीजवळ काही सराईत गुन्हेगार दरोडा टाकण्याच्या तयारीत आहे. मिळालेल्या माहितीच्या आधारे पोलिसांनी तिथे छापा टाकला. तेव्हा पोलीस (Police) आलेले पाहून आरोपी पळू लागले. पोलिसांनी पाठलाग करुन दोन दरोडेघोरांना अटक केली, तर 4 आरोपी पळून जाण्यात यशस्वी ठरले आहेत.

गहिनीनाथ उर्फ गहिण्या इश्र्वर्या भोसले आणि सोन्या उर्फ लाल्या ईश्र्वर्या भोसले अशी अटक (Arrest) केलेल्या आरोपींची नावे आहेत. त्याच्याकडून 2 मोटरसायकल, लोखंडी कटावणी, लोखंडी चाकू, दोरी, मिरचीची पूड, पाना, असा एकूण 1 लाख 21 हजाराचा मुद्देमाल हस्तगत करण्यात आला आहे.

हे दोन्ही गुन्हेगार सराईत गुन्हेगार असून त्यांच्यावर अहमदनगर, सोलापूर, बीड, उस्मानाबाद जिल्ह्यामध्ये दरोडा, चोरी, घरफोडी अशा प्रकारचे अनेक गुन्हे दाखल आहेत.

Edited By - Nupur Uppal