Srirampur Crime News Saam TV
महाराष्ट्र

Shrirampur News : बायकोवरचा राग, तरुणाने थेट मेहुण्याच्या बाळाला संपवलं; मन सुन्न करणाऱ्या घटनेनं श्रीरामपूर हादरलं

Srirampur Crime News : बायको नांदायला येत नाही म्हणून तरुणाला राग अनावर झाला. त्याने थेट सासुरवाडी गाठत मेहुण्याच्या ३ वर्षीय बाळाचं अपहरण करत त्याची हत्या केली.

Satish Daud

सचिन बनसोडे, साम टीव्ही

बायको नांदायला येत नाही म्हणून तरुणाला राग अनावर झाला. त्याने थेट सासुरवाडी गाठत मेहुण्याच्या ३ वर्षीय बाळाचं अपहरण केलं. इतक्यावरच न थांबता त्याची अत्यंत निर्घृणपणे हत्या केली. हत्येनंतर मृतदेह मक्याच्या शेतात नेऊन फेकला. तळपायाची आग मस्तकात जाईल अशी ही संतापजनक घटना श्रीरामपूर तालुक्यातील नायगाव परिसरात घडली. याप्रकरणी पोलिसांनी तातडीने तपासाची चक्रे फिरवत आरोपीला अटक केली.

राहुल बोधक असं अटक करण्यात आलेल्या आरोपीचं नाव आहे. तर स्नेहदीप असं हत्या झालेल्या बाळाचं नाव आहे. आपणच स्नेहदीपची हत्या केली, अशी कबुली आरोपीने पोलिसांसमोर दिली आहे. नात्याला काळीमा फासणाऱ्या घटनेने श्रीरामपूर तालुक्यात खळबळ उडाली आहे.

पोलिसांनी दिलेल्या माहितीनुसार, आरोपी हा वैजापूर तालुक्यात (Vaijapur News) रहिवासी आहे. सततच्या भांडणामुळे त्याची बायको श्रीरामपूर तालुक्यातील नायगाव येथे माहेरी निघून गेली होती. ती परत नांदायला येत नसल्याने आरोपीला राग अनावर झाला. आठ दिवसांपूर्वी आरोपीने आपलं सासर गाठलं.

तिथे मेव्हण्याशी (बायकोच्या भावाशी) वाद झाल्यानंतर त्याने ३ वर्षीय बाळाचं अपहरण केलं. यासंदर्भात ६ सप्टेंबर रोजी श्रीरामपूर (Srirampur) तालुका पोलीस ठाण्यात आरोपी राहुल बोधक याच्याविरोधात अपहरणाचा गुन्हा दाखल करण्यात आला होता. पोलिसांनी वैजापूर तालुक्यातून आरोपीला ताब्यात घेतल्यानंतर आरोपीने चिमुकल्या मुलाची हत्या केल्याची कबुली दिली.

मात्र, मृतदेह नेमका कुठे फेकला याबाबत विचारणा केली असता आरोपी राहुल उडवाउडवीची उत्तरे देत होता. पोलिसांनी सर्व बाजूने तपास करत प्रकरणाचे धागेदोरे जुळवले आणि अखेर वैजापूर तालुक्यातील शिऊर बंगला ते संभाजीनगर रोडवरील गारच शिवारातील एका मक्याच्या शेतात चिमुकल्याचा मृतदेह शोधून काढला.

नराधम आरोपी राहुल बोधक याने स्नेहदिप याला तोंड दाबून मारल्याची कबुली पोलिसांना दिली आहे. मात्र, शवविच्छेदन अहवाल आल्यानंतर हत्येचा अधिक उलगडा होणार आहे. नात्याला काळीमा फासणाऱ्या घटनेने श्रीरामपूर तालुक्यात खळबळ उडाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Candidate Death : नगरपालिका निवडणूक लढवणाऱ्या महिला उमेदवाराचा अपघाती मृत्यू

Kolhapur: टाचण्या मारलेले लिंबू, हळद-कुंकू, नारळ अन् अंडी..., राष्ट्रवादीच्या उमेदवाराच्या दारात भानामतीचा प्रकार; पाहा VIDEO

डोंबिवलीत गुन्हे शाखेची धडक कारवाई; गावठी दारूभट्टी उद्ध्वस्त, अडीच लाखांचा मुद्देमाल नष्ट

Maharashtra Live News Update: ऊसाला भाव मिळत नाही म्हणत शेतकऱ्याची अजित दादांसमोरच घोषणाबाजी

नातेवाईकाच्या अंत्यविधीला जाताना काळाचा घाला, भरधाव डंपर कारवर उलटला; एकाच कुटुंबातील ७ जणांचा मृत्यू

SCROLL FOR NEXT