सुशील थोरात

अहमदनगर : अहमदनगर जिल्ह्यातील पाथर्डी तालुक्यात (Ahmednagar) एका युवकावर लाठ्या काठ्यांनी हल्ला करण्यात आला. या प्रकाराचा सीसीटीव्‍ही व्हिडिओ (CCTV) व्हायरल झाला आहे. (Latest Marathi News)

पाथर्डी - शेवगाव हायवेवर युनिक बियर शॉपीमध्ये काही तरुण अचानकपणे आले. दरम्यान त्यावेळी आलेल्या ६ ते ७ तरुणांनी युनिक बियर शॉपीचे मालक तौफिक शेख याच्यावर लाठ्या काठ्याने हल्ला चढवला. विशेष म्हणजे झालेली घटना हि ४ मे रोजी घडली आहे. मात्र आज या घटनेचा व्हिडिओ व्हायरल झाला आहे. तसेच बियर शॉपीचे ५ मे ला उद्‌घाटन होणार होते. मात्र तु ही जागा का घेतलीस असं सांगत आदल्‍या दिवशीच बियर शॉपीच्या मालकावर हल्ला करण्यात आला आहे.

दोन आरोपींना अटक

सदरचा प्रकार सीसीटीव्‍हीमध्‍ये कैद झाला आहे. या हल्ल्या प्रकरणी पाथर्डी पोलीस ठाण्यात १० जणांवर गुन्हा दाखल करण्यात आला आहे. यामध्ये २ आरोपींना अटक करण्यात आली आहे.