सुशिल थोरात

अहमदनगर : सध्या सोशल मीडियावर एक व्हिडिओ चांगलाच व्हायरल होत आहे. सकाळी फिरायला निघालेल्या सनी देओलने एका शेतकऱ्याची (Farmer) भेट घेऊन त्या शेतकऱ्याशी गप्पा मारल्या. अचानक भेटलेल्या सनी देओल सारख्या अभिनेत्याला पाहून तो शेतकरी खूप आनंदी झाला. (Letest Marathi News)

अहमदनगर शहराजवळ गदर २ या चित्रपटाचे शुटींग चालू आहे. त्याकरीता चित्रपट अभिनेता सनी देओल गेल्या काही दिवसांपासून (Ahmednagar) नगर शहरात वास्तव्यास आहे. प्रथम त्या शेतकऱ्याने अभिनेता सनी देओल यांना ओळखलेच नव्हते. मात्र तुम्ही सनी देओलसारखे दिसता असे म्‍हणाला. त्यावर सनी देओलने सांगितले, होय मी सनी देओल आहे. त्यानंतर त्या शेतकऱ्याला खूप आनंद झाला.

त्‍या व्हिडिओची सर्वत्र चर्चा

सकाळी फिरताना रस्‍त्‍यावर भेटलेल्‍या अभिनेता सनी देओलने त्या शेतकऱ्याची आस्थेने चौकशी केली. हा व्हिडिओ सध्या चांगलाच व्हायरल होतं आहे. त्यामुळे सनी देओलच्या या साधेपणाची सर्वत्र चर्चा होत आहे.