नगर Crime News : नगर जिल्ह्यातील पारनेर parner तालुक्यातील जवळे येथील अल्पयवीन मुलीवर तिच्या घरातच अत्याचार करून तिचा खून केल्याची घटना घडली आहे. मुलगी एकटीच घरी असताना हा प्रकार घडला असून ही अल्पवयीन मुलगी जवळे येथील एका शाळेत इयत्ता दहावीत शिकत होती. बुधवारी सकाळी मुलीचे पालक नेहमीप्रमाणे शेतात मजुरीसाठीर गेले तर तिचा भाऊ शाळेत गेला होता. मुलगी एकटीच घरी होती. दुपारी शाळेतून घरी आलेल्या मुलीच्या भावाने घरात प्रवेश करताच त्याला धक्का बसला. त्याची बहीण घरातील कॉटवर रक्ताच्या थाराेळ्यात आढळली.

त्यामुळे त्याने जवळ जाऊन पाहिले तर त्याला घडलेला प्रकार लक्षात आला. हा प्रकार पाहून भयभीत झालेल्या भावाने मोठमोठ्याने हंबरडा फोडला. त्याच्या आवाजाने शेजारी राहणारे नागरिक तेथे आले. त्यांनी त्या मुलीला तत्काळ उपचारासाठी जवळे येथील दवाखान्यात नेले.

दरम्यान तत्पूर्वीच तिचा मृत्यू झाल्याचे आरोग्य अधिकाऱ्यांनी नागरिकांना सांगितले. शवविच्छेदनासाठी मृतदेह नगरच्या शासकीय रुग्णालयात पाठवण्यात आला. या प्रकरणांत पोलिसांनी पाच जणांना ताब्यात घेतले आहे.

edited by : siddharth latkar