सुशिल थोरात, प्रतिनिधी

Ahmednagar Accident:

अहमदनगरच्या कल्याण-निर्मळ महामार्गावरील करंजी घाटात ट्रक आणि दुधाच्या टँकरची समोरासमोर धडक झाली. या भीषण अपघातात दोन्ही वाहनांच्या चालकांचा दुर्देवी मृत्यू झाला. या घटनेने परिसरात हळहळ व्यक्त केली जात आहे. (Accident News)

याबाबत अधिक माहिती अशी की, अहमदनगरमधून (Ahmednagar) एक भीषण अपघाताची घटना समोर आली आहे. कल्याण-निर्मळ महामार्गावरील पाथर्डी तालुक्यातील करंजी घाटात रात्री उशिरा साडेबारा वाजण्याच्या सुमारास ट्रक आणि दुध टँकरचा भीषण अपघात झाला.

अपघात झालेला ट्रक पैठणवरुन शेंगदाण्याचे कट्टे घेऊन नगरकडे चालला होता. तर दुधाचा रिकामा टँकर करंजीकडे येत होता. दोन्ही वाहने करंजी घाटात आली असता समोरा-समोर धड झाली. ही धडक इतकी भीषण होती की दोन्हीही वाहनांचा अक्षरशः चक्काकूर झाला.

या भयंकर अपघातात ट्रक चालक जावेद मन्सुर शेख आणि टँरर चालक शिवाजी नानासाहेब भवार हे दोघे ठार झाले. अपघाताची माहिती मिळताच स्थानिकांनी धाव घेत अपघातग्रस्तांना मद केली. या दुर्देवी घटनेने परिसरात हळहळ व्यक्त केली जात आहे.

पुण्यात भीषण अपघात, चौघांचा मृत्यू!

दरम्यान, सोमवारी (१६, ऑक्टोंबर) पुण्यामध्येही भीषण अपघाताची घटना घडली. पुण्यात स्वामी नारायण मंदिराजवळ कंटेनरला भीषण आग लागली. या दुर्घटनेत चार जणांचा होरपळून मुत्यू झाला. (Latest Marathi News)