सुशिल थोरात, अहमदनगर|ता. २२ जून २०२४

अहमदनगरमधून भीषण अपघाताची घटना समोर आली आहे. अरणगाव - सोलापूर बायपासवर ट्रेलर, ट्रक आणि कार अशा तीन वाहनांचा विचित्र अपघात झाला. या भीषण अपघातात दोन जणांचा मृत्यू झाला असून दोन जण गंभीर जखमी झाले आहेत.

राज्यात गेल्या काही दिवसांपासून अपघातांचे सत्र सुरू आहे. आज अहमदनगरच्या अरणगाव - सोलापूर बायपासवर तीन वाहनांचा विचित्र अपघात झाला. या दुर्घटनेत दोघांचा मृत्यू झाला असून दोन जण गंभीर जखमी झालेत.

समोर आलेल्या माहितीनुसार, ट्रेलर आणि ट्रकचा समोरासमोर अपघात झाला. अशातच एक कारही मागून येऊन धडकली. या अपघात इतका भीषण होता की ट्रेलर आणि ट्रकच्या दोन्ही ड्रायव्हरचा जागीच मृत्यू झाला तर कारमधील दोघे जण जखमी झालेत. अपघातातील जखमींना अहमदनगर जिल्हा रुग्णालयात उपचारासाठी दाखल करण्यात आले आहे.