Ahmednagar news  Saam tv
महाराष्ट्र

Video : खेळता खेळता बोअरवेलमध्ये पडला मजुराचा ५ वर्षांचा चिमुकला; अहमदनगरमधील धक्कादायक घटना

मुलगा बोअरवेलमध्ये पडल्यामुळे कोपर्डी परिसरात खळबळ उडाली आहे

साम टिव्ही ब्युरो

सुशील थोरात

अहमदरनगर : अहमदनगरमधून मोठी घटना समोर आली आहे. अहमदनगरच्या कोपर्डी येथे ऊसतोड मजुराचा लहान मुलगा बोअरवेलमध्ये पडला आहे. सागर बारेला असं बोअरवेलमध्ये पडलेल्या मुलाचं नाव असून त्याचं वय साधारण पाच वर्षे आहे. मुलगा बोअरवेलमध्ये पडल्यामुळे कोपर्डी परिसरात खळबळ उडाली आहे. (Latest Marathi News)

मिळालेल्या माहितीनुसार, ऊसतोड मजुराचा ५ वर्षाचा मुलगा बोअरवेलमध्ये पडला आहे. सागर बारेला असे मुलाचे नाव आहे.मुलगा बोअरवेलमध्ये पडल्यानंतर परिसरात एकच खळबळ उडाली.

मुलगा बोअरवेलमध्ये पडल्यामुळे कोपर्डीतील ग्रामस्थ बोअरवेल जवळ एकत्र झाले. त्यांनी तातडीने पोलिसांना घटनेची माहिती दिली. पोलिसांना (Police) घटनेची माहिती मिळताच पोलीस प्रशासन देखील घटनास्थळी पोहोचले. पोलिसांनी मुलाला बाहेर काढण्यासाठी प्रयत्न सुरू केले आहेत.

मध्य प्रदेशच्या (Madhya Pradesh) बुऱ्हानपूर जिल्ह्यातील ऊसतोड मजूर कर्जत तालुक्यातील अंबालिका शुगर कारखान्यात ऊस तोडणीसाठी आलेले आहेत. यातील बुधाजी बारेला या ऊसतोड मजुराचा पाच वर्षाचा सागर नावाचा मुलगा आहे.

सागर हा सायंकाळच्या सुमारास कोपर्डी येथे खेळत असताना हा मुलगा बोअरवेलमध्ये पडला आहे. सहा वाजेपासून त्या मुलाला काढण्यासाठी ग्रामस्थ आणि प्रशासन शर्तीचे प्रयत्न करत आहेत.

युद्ध पातळीवर बचावकार्य सुरू

कर्जत तालुक्यातील कोपर्डी येथे बोरमध्ये पडलेल्या पाच वर्षीय मुलाला काढण्यासाठी युद्ध पातळीवर प्रयत्न सुरू आहेत. महसूल प्रशासनासह पोलीस प्रशासन आणि आरोग्य प्रशासन कोपर्डी येथे तळ ठोकून आहेत.

ग्रामस्थांच्या मदतीने जेसीबीच्या साहाय्याने बोरवेलच्या आसपास असणाऱ्या परिसरामध्ये खड्डा खोदून मुलाला बाहेर काढण्याचे काम सुरू आहे. घटनास्थळी ग्रामस्थांची प्रचंड गर्दी आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

गावागावात लॉरेन्स बिष्णोई तयार व्हायला पाहिजे'; किर्तनकार भंडारे काय बोलून गेले? VIDEO

Asia Cup 2025 Final : भारताविरुद्ध फायनलआधी पाकिस्तानच्या महत्वाच्या खेळाडूंना ICC चा दणका

Maharashtra Live News Update: परभणी जिल्ह्यात 3 दिवसानंतर पुन्हा एकदा जोरदार पाऊस

Hypertension India: २१ कोटी भारतीयांना हाय ब्लड प्रेशरचा धोका! तिशी ओलांडलेल्या तरुणांनो व्हा सावध, WHO नेमकं काय सांगितलं?

आदिवासी समाजाचा मुंबई बंदचा इशारा; 'आरक्षण बचाव आक्रोश मोर्चा', हजारो बांधव सहभागी|VIDEO

SCROLL FOR NEXT