सांगली : सांगली जिल्ह्यातील खानापूर (Khanapur) नगरपंचायतच्या नगराध्यक्षपदी डॉ.उदय हजारे यांची निवड झाली असून उपनगराध्यक्षपदी सुवर्णा प्रल्हाद कांबळे यांची निवड झाली. यावेळी कार्यकर्त्यांनी जेसीबीने (JCB) गुलाल उधळण करून आनंदोत्सव साजरा करण्यात आला.

हे देखील पहा

तर दुसरीकडे, स्वर्गीय आर आर पाटील यांचे पुत्र रोहित पाटील (Rohit Patil) यांनी उभ्या केलेल्या राष्ट्रवादी काँग्रेसच्या पॅनेल विरोधात सर्व राजकीय पक्षांनी एकत्र येऊन निवडणूक लढवली होती. संपूर्ण राज्याचे लक्ष्य लागलेल्या कवठेमहांकाळ (Kavathe-Mahankal) नगरपरिषदची सत्तासूत्रे रोहित पाटील यांच्या ताब्यात आली. कवठेमहांकाळ नगराध्यक्ष उपनगराध्यक्ष पदाच्या आज निवडी पार पडल्या. राष्ट्रवादी काँग्रेसच्या अश्विनी महेश पाटील यांची नगराध्यक्ष म्हणून बिनविरोध निवड करण्यात आली आहे. तर, उपनगराध्यक्ष म्हणून बदरुदिन शिरोळकर यांची बिनविरोध निवड करण्यात आली.