- राजेश भोस्तेकर

रायगड : रायगड जिल्ह्यातील १८ वर्षावरील सर्व महिलांसाठी नवरात्रोत्सवाचे औचित्य साधून काेविड १९ प्रतिंबधक लसीकरणाची विशेष मोहिम आखल्याची माहिती पालकमंत्री आदिती तटकरे यांनी दिली. येत्या सोमवारी (ता .११) जिल्ह्यात ही माेहिम राबविण्यात येणार आहे. जिल्हा प्रशासनाने आवश्यक ते नियोजन करावे असे आदेश दिल्याचे तटकरे यांनी नमूद केले. aditi-tatkare-decleares-covid19-vaccination-drive-for-women-on-11-october-in-raigad-sml80

काेविड १९ ची तिसरी लाट येण्याची शक्यता तज्ञांनी व्यक्त केली आहे. त्यामुळे रायगड जिल्ह्यातील नागरिकांचे आरोग्य सुरक्षित राखण्यासाठी तसेच महिलांचे काेविड १९ प्रतिबंधक लसीकरण पुर्ण व्हावे यासाठी ही विशेष मोहीम राबविण्याचा निर्धार केल्याचे पालकमंत्री तटकरे यांनी सांगितले.

तटकरे म्हणाल्या रायगड जिल्ह्यातील सर्व शासकीय आणि खाजगी काेविड १९ लसीकरण केंद्रावर येत्या सोमवारी (ता ११) महिलांचे लसीकरण केले जाईल. महिलांचे जीवन अधिक सुरक्षित करणे व त्यांचे लसीकरणाचे प्रमाण वाढावे या उद्देशाने हि मोहीम राबविली जात आहे. जिल्ह्यातील महिलांनी या मोहिमेचा अधिकाधिक उपयोग करून घ्यावा, जेणे करून आपली व आपल्या कुटूंबाचे आरोग्य सुरक्षित राखण्यास मदत होईल असेही तटकरे यांनी नमूद केले.

edited by : siddharth latkar