नांदेड : नांदेड मध्ये प्रसिद्ध व्यापारी आणि बुलढाणा बॅंकेचे संचालक सुबोध काकाणी यांच्या व्यवस्थानांवर आयकर विभागाच्या पथकाने छापा टाकला आहे. आज पहाटे पासून काकाणी यांच्या धर्माबाद येथील वेअरहाऊस, कोल्डस्टोरेज, शाळा,घर, कार्यालयावर आयकर विभागाच्या पथकाने ही कारवाई केली.

हे देखील पहा :

जवळपास तीस अधिकारी, कर्मचाऱ्यांच्या फौजफाट्यासह छापा टाकून काकाणी यांच्या जवळील बेहिशोबी मालमत्तेची तपासणी केली. अशोक चव्हाण यांच्या चार कारखान्यांना बुलढाणा अर्बन बॅंकेने दिलेल्या कर्जप्रकरणात काकाणींची भुमिका महत्वाची असल्याचे सांगण्यात येते.

दरम्यान, आयकर विभागाने बुलढाणा अर्बन बँकाच्या संचालकांची तिसऱ्या दिवशी ही सुरुच ठेवली आहे. या कारवाईमुळे धर्माबाद परिसरात खळबळ उडाली आहे.

Edited By : Krushnarav Sathe