अकोला - तब्बल साडे लाखांची ब्राऊन शुगर सह आरोपीला जेरबंद करण्यात पोलिसांना यश आले आहे. स्थानिक गुन्हे शाखेला मिळालेल्या गुप्त माहिती वरून ही कारवाई करण्यात आली आहे. अकोल्यात ब्राऊन शुगर आढळल्याने एकच खळबळ उडाली आहे आहे. अकोल्यातील अकोट फाईल पोलीस स्टेशनच्या हद्दीत ही कारवाई करण्यात आली.

हे देखील पहा -

माहिती मिळाल्यानंतर पोलिसांनी त्या ठिकाणी छापा टाकला असता, आरोपी अफजल खान करीम खान हा युवक ब्राऊन शुगर या अंमली पदार्थांसह आढळून आला. त्याच्याकडून पोलिसांनी अर्धा किलो ब्राऊन शुगर ज्याची किंमत तब्बल साडे सात लाख रुपये आणि एक मोबाईल असा एकूण 7 लाख 65 हजार रुपयांचा मुद्देमाल जप्त केला आहे. ही कारवाई पोलीस निरीक्षक संतोष महल्ले, सहायक पोलीस निरीक्षक नितीन चव्हाण, गोपिलाल मावळे, गणेश पांडे यांच्या सह इतर कर्मचाऱ्यांनी केली आहे.

Edited By - Shivani Tichkule