संजय राठोड -

यवतमाळ: यवतमाळात एका 25 वर्षीय मुलीवर गेल्या 4 वर्षांपासून सतत लैंगिक शोषण होत असल्याची घटना पुढे आली आहे. लग्नाचे आमिष दाखवत या तरुणीवर लैंगिक शोषण होत असल्याची धक्कादायक माहिती आहे. याप्रकरणी पोलिसांनी बलात्काराचा गुन्हा दाखल करत आरोपीला अटक केलीये (Accused arrested for sexually abusing a 25 year old young woman from 4 years In Yawatmal).

यवतमाळ (Yawatmal) येथील मारेगाव पोलीस स्टेशन अंतर्गत येणाऱ्या एका गावात 25 वर्षीय तरुणीवर विलास रामपुरे नावाच्या व्यक्तीने लग्नाचे आमिष दाखवत तिचे सतत चार वर्षांपासून लैंगिक शोषण केल्याचा आरोप आहे. या प्रकरणी पोलिसांनी आरोपीविरुद्ध बलात्काराचा गुन्हा दाखल करून त्याला अटक (Arrest) केली आहे. यासंदर्भात पीडितेने मारेगाव पोलिसात तक्रार दाखल केली आहे.

खेकडवाई येथील आरोपी विलास मनोहर रामपुरेने मागील चार वर्षांपासून लग्नाचे आमिष दाखवून फूस लावून तरुणीवर लैंगिक शोषण केले. या तक्रारीवरून पोलिसांनी आरोपी विलास मनोहर रामपुरे याच्याविरुद्ध लैंगिक शोषण अधिनियमान्वये गुन्हा दाखल करून त्याला अटक केली आहे.

Edited By - Nupur Uppal