Gondiya Accident News : गोंदिया जिल्ह्यात भीषण अपघाताची घटना घडली. भरधाव वेगात येणाऱ्या ट्रकने समोरून येणाऱ्या दुचाकीला जोरदार धडक दिली. ही धडक इतकी भीषण होती की, यामध्ये एकाच कुटुंबातील तीन जणांचा जागीच मृत्यू झाला. तर ५ चिमुकलीचा रुग्णालयात उपचार सुरू असताना मृत्यू झाला.  (Latest Marathi News)

अपघातानंतर ट्रकचालक घटनास्थळावरून फरार झाला. परिसरातील नागरिकांनी या घटनेची माहिती पोलिसांना (Police)  दिली. अपघाताची माहिती मिळताच, पोलिसांनी तातडीने घटनास्थळी धाव घेत मृतदेह ताब्यात घेतले. ही दुर्देवी घटना ठाकणी ते भागवत टोला रस्त्यावर घडली.

आदित्य बिसेन (वय ७ वर्ष), मोहित बीसेन (वय ११ वर्ष), कुमेंद्र बिसेन (वय ३७ वर्ष) सर्व राहणार रा. दासगाव, आणि आर्वी कमलेश तूरकर (वय ५ वर्ष, नात्यातील मुलगी) रा. चुटिया, अशी मृत्युमुखी पडलेल्यांची नावे आहेत. मिळालेल्या माहितीनुसार, अपघातग्रस्त (Accident News) बिसेन कुटुंबीय जिल्ह्यातील पिंकेपार येथे नातेवाईकाच्या लग्नासाठी गेले होते.

लग्न आटोपून ते दुचाकीवरून घरी परतत असताना, ठाकणी ते भागवत टोला परिसरात (Gondiya News) समोरून भरधाव वेगात येणाऱ्या ट्रकने त्यांच्या दुचाकीला जोरदार धडक दिली. ही धडक इतकी भीषण होती की, दोन मुलांसह वडिलांचा जागीच मृत्यू झाला. अपघाताना नंतर ट्रक चालत घटना स्थळावरून फरार झाला.

अपघाताची माहिती मिळताच, रामनगर पोलीसांनी घटनास्थळी धाव घेतली. अपघातात जखमी झालेल्या चिमुकलीला पोलिसांनी तातडीने उपचारासाठी रुग्णालयात दाखल केले. मात्र, उपचार सुरू असताना तिचाही मृत्यू झाला. दरम्यान पोलिसांनी ट्रक चालकाविरुद्ध गुन्हा दाखल केला असून त्याचा शोध सुरू आहे. एकाच कुटुंबातील चौघांचा अपघाती मृत्यू झाल्याने परिसरात मोठी हळहळ व्यक्त होत आहे.

Edited By - Satish Daud