सातारा : एका गुन्ह्यात मदत व गुन्ह्यातून बाहेर काढण्यासाठी वीस हजार रुपयांची लाच (bribe) घेताना एसीबीने (acb) सातारा (satara) जिल्ह्यातील लाेणंद पाेलीस ठाण्यातील हवालदारास पकडले आहे. भगवान किसन पवार असे या हवालदाराचे नाव आहे. (satara latest marathi news)

याबाबत अधिक माहिती अशी : तक्रारदार व त्यांचे भाऊ यांना पोलीस (police) ठाणे येथे दाखल गुन्हामध्ये मदत व गुन्ह्यातुन बाहेर काढणेसाठी तक्रारदाराकडे हवालदाराने वीस हजार रुपयांची लाच मागितली. त्यानंतर ही लाचेची रक्कम स्वीकारताना एसीबीने हवालदारास रंगेहात पकडले.

ही कारवाई अशोक शिर्के (पोलीस उपअधीक्षक एसीबी) यांच्या मार्गदर्शनाखाली विक्रम पवार (पोलीस निरीक्षक), सचिन राऊत (पोलीस निरीक्षक) तसेच संभाजी काटकर, निलेश वायदंडे, निलेश येवले आदींनी केली.

Edited By : Siddharth Latkar