- संदिप भोसले

Latur News : प्रकल्पग्रस्त प्रमाणपत्र देण्यासाठी पाच हजार रुपये घेताना लातूर येथील जिल्हाधिकारी कार्यालयातील पुनर्वसन विभागातील तलाठी केरबा शिंदे यास एसीबीने रंगहाथ पकडले. शिंदे यांस दुस-यांदा लाच घेताना पकडल्याची चर्चा जिल्हाधिकारी कार्यालयात हाेती. (Maharashtra News)

या घटनेबाबत अधिक माहिती अशी - तक्रारदार यांचे चुलत बहिणीच्या नावावर असलेले प्रकल्पग्रस्त प्रमाणपत्र आजीच्या शपथपत्राच्याआधारे तक्रारदाराचे नावाने करून दिल्याचा मोबदला म्हणून तलाठी केरबा शिंदे याने २ हजार रुपयांच्या लाचेची मागणी केली हाेती.

त्याबाबतची तक्रार एसीबीला प्राप्त झाली. एसीबीने सापळा रचत लाचेची (bribe) रक्कम घेताना शिंदेला पकडले.

लाचलूचपत प्रतिबंधक विभागाच्या पोलिसांनी शिंदे या तलाठयास लाचेच्या रक्कमेसह अटक केली आहे. या घटनेचा अधिक तपास पोलीस निरिक्षक भास्कर पुल्ली हे करीत आहेत.

Edited By : Siddharth Latkar