लातूर : अवैध वाळूचे ट्रक नियमितपणे चालू देण्यासाठी व वाळूच्या ट्रकवर यापुढे कारवाई न करण्यासाठी दीड लाख रुपयांची लाच (bribe) स्वीकारणारा निलंगा (nilanga) येथील तहसीलदार गणेश जाधव (tashildar ganesh jadhav) आणि एका व्यक्तीस लातुरच्या (latur) लाचलुचपत प्रतिबंधक विभागाच्या पथकाने रंगेहात पकडले. (latur latest marathi news)

या प्रकरणी निलंगा पोलीस ठाण्यात तहसीलदार गणेश जाधव याच्याविरुद्ध गुन्हा दाखल करण्यात आला आहे. ही कारवाई नुकतेच रुजू झालेले पोलीस अधीक्षक डॉ. राजकुमार शिंदे यांच्या मार्गदर्शनाखाली करण्यात आली.

निलंगा येथील तहसीलदार गणेश जाधव यांच्या हद्दीतून वाळू वाहतूकीच्या गाड्या चालू करुन देण्यासाठी एका तक्रारदाराकडून प्रति ट्रक ३० हजार रुपये मागणी होत असल्याने वाळू व्यापारी त्रस्त झाले होते. अशाच एका वाळू व्यापाऱ्यास त्यांनी तीन ट्रकचे १ लाख ८० हजार रुपये मागितले. तर तडजोड अंती दीड लाख रुपये देण्याचे ठरले. परंतु लाच देण्याची इच्छा नसलेल्या तक्रारदाराने लातूर येथील एसीबी (acb) कार्यालयात २५ मे रोजी तक्रार दिली.

तहसीलदाराच्या निलंगा येथील शासकीय निवासस्थानासमोर त्यांनी सांगितलेल्या एकाने दीड लाख रुपये तहसीलदार गणेश जाधव यांच्या सांगण्यावरून स्वीकारले. त्यानूसार एसीबीने रमेश मोरगे आणि तहसीलदार गणेश जाधव यांना रंगेहात पकडले.

Edited By : Siddharth Latkar