- अमर घटारे

अमरावती : अमरावती (amravati) येथील विभागीय उच्च शिक्षण सहसंचालक कार्यालयातील सहसंचालक डॉक्टर मुरलीधर वाडेकर यास तीस हजार रुपयांची लाच (bribe) घेताना एसीबीने (acb) पकडले. या घटनेमुळे शिक्षण विभागात एकच खळबळ उडाली. (amravati latest marathi news)

प्राध्यापकांच्या कोणत्याही कामासाठी पैसे घेतल्याशिवाय सहसंचालक डॉ. वाडेकर सहीच करत नसतं अशी चर्चा सातत्याने हाेत असे. एका प्राध्यापकाने वाडेकर यांच्या विराेधात एसीबीकडे तक्रार केली. अमरावती येथील लाचलुचपत प्रतिबंधक विभागाच्या अधिकाऱ्यांनी तक्रारीची शहनिशा केली.

एसीबीने वाडेकर यांना तीस हजार रुपयाची लाच घेताना त्यांच्या कार्यालयातच रंगेहाथ पकडले. त्यानंतर वाडेकर यांच्या घराची झडती घेण्यात आली. त्यावेळी त्यांच्या घरातून छत्तीस लाख रुपयांची रोख रक्कम जप्त करण्यात आली.

दरम्यान उच्च शिक्षणाचे पाचही जिल्ह्याचे प्रमुख ठिकाण असलेले अमरावती येथील विभागीय उच्च शिक्षण सहसंचालक कार्यालयात गेल्या वर्षभरापासून वाडेकर यांच्या माध्यमातून सुरु असलेल्या भ्रष्टाचार अखेर थांबल्याची चर्चा शिक्षण विभागात हाेती.

Edited By : Siddharth Latkar