सिंधुदुर्ग जिल्ह्यात उन्हाची तीव्रता वाढल्यामुळे विद्यार्थ्यांच्या आरोग्यावर त्याचा वाईट परिणाम होत आहे. त्यामुळे उन्हाच्या तीव्रतेपासून शालेय विद्यार्थ्यांना व पालकांना दिलासा देण्यासाठी सिंधुदुर्ग जिल्ह्यातील शाळा सकाळच्या सत्रात घेण्यात याव्यात अशी मागणी माजी आमदार वैभव नाईक यांनी राज्याचे शालेय शिक्षण मंत्री दादा भुसे यांच्याकडे पत्राद्वारे केली

पदवीधर मतदारसंघातून ३६ उमेदवारांनी अर्ज भरले.

विविध पक्षांसह अपक्ष उमेदवारांचाही अर्ज दाखल

उमेदवारी अर्ज दाखल करण्याच्या शेवटच्या दिवशी मोठी गर्दी

आता अर्जांची छाननी आणि माघारीनंतर अंतिम चित्र स्पष्ट होणार.

युवासेना पदाधिकाऱ्यांच्या तक्रारीनंतर मुंबई विद्यापीठाकडून कीर्ती कॉलेजविरोधात कारवाई

कीर्ती महाविद्यालयाच्या प्राचार्यांनी एनएसएस समन्वयकांना विद्यार्थ्यांना विश्व हिंदू परिषदेतर्फे आयोजित कार्यक्रमाला उपस्थित राहण्यासाठी उद्युक्त करण्याचा शेरा दिल्याचा आरोप

स्वर्गीय अशोक सिंघल यांच्या जन्मशताब्दी निमित्त ४ ऑक्टोबर २०२६ रोजी कार्यक्रमाचे आयोजन करण्यात आले होते

रायगड जिल्ह्यात महायुतीमधील वरिष्ठ नेत्यांमध्ये आरोप प्रत्यारोप सुरू असतानाच या वादाच्या लढाईत आता स्थानिक पदाधिकाऱ्यांनी उडी घेतली आहे. त्यामुळे हा वाद शमण्या ऐवजी त्याचा भडका उडण्याची शक्यता वाढली आहे. राष्ट्रवादी काँग्रेसचे प्रवक्ते मनोज कुमार शिंदे यांनी शिवसेनेचे आमदार महेंद्र दळवी यांच्यावर टीका केली होती.

राज्यात देशात महायुतीचे सरकार सुरू असताना आमदार महेंद्र दळवी हे जिल्ह्यातील महायुतीत मिठाचा खडा टाकण्याचं काम करीत असल्याचा गंभीर आरोप केला. त्यावर शिवसेना जिल्हा प्रमुख राजा केणी यांनी जोरदार पलटवार केला आहे. शिवसेनेत असताना महेंद्र दळवी यांना तटकरे यांच्याविरोधात भडकवण्याचे काम शिंदे यांनी केले असून महायुतीमधील वादाचे पाप मनोजकुमार शिंदे हेच असल्याचा घणाघात शिवसेना जिल्हा प्रमुख राजा केणी यांनी केला आहे.

सीबीआयला गुन्हा दाखल करताना उच्च न्यायालयाने दिलेल्या आदेशातील एक टिप्पणी हटवण्याची सतिश सालियन यांनी मागणी केलीय. सतिश सालियन यांच्या तक्रारीवर गुन्हा दाखल करण्याचे आदेश देताना मुंबई उच्च न्यायालयाने तपास अधिकाऱ्याने एखाद्याविरोधात वाजवी संशय निर्माण होण्यासाठी पुरेशी कारणे उपलब्ध होईपर्यंत कोणालाही आरोपी न मानण्याचे आदेशात नमूद केलं होतं.

नवी मुंबई -

दादर ते नवी मुंबई आंतरराष्ट्रीय विमानतळ (अटलसेतू मार्गे) ई-बससेवा उद्यापासून सुरू

परिवहन मंत्री प्रताप सरनाईक यांच्या हस्ते सेवेला प्रारंभ

प्रवाशांना सुरक्षित, आरामदायी सुविधा मिळणार

नवी मुंबई एअरपोर्टची कनेक्टिव्हिटी अधिक सक्षम करण्यासाठी महाराष्ट्र राज्य मार्ग परिवहन महामंडळाचा मोठा निर्णय

सातारा-

सातारा जिल्हा मध्यवर्ती सहकारी बँकेच्या निवडणुकीत आज एक महत्त्वाची घडामोड समोर आली आहे.

उदयनराजे भोसले यांची जिल्हा मध्यवर्ती सहकारी बँकेच्या संचालकपदी बिनविरोध निवड झाली

गृहनिर्माण आणि दूध संस्था यांमधून त्यांनी उमेदवारी अर्ज भरला होता.

उदयनराजे यांच्याविरोधात संचालकपदासाठी अर्ज दाखल केलेले ज्ञानेश्वर पवार यांनी आपला उमेदवारी अर्ज मागे घेतला

छत्रपतींच्या गादीचा सन्मान आणि आदर म्हणून आपण उमेदवारी अर्ज मागे घेतल्याचे पवार यांनी सांगितले

अकोल्यातील शेतकरी संघटनेने विविध मागण्यांसाठी 'चक्का जाम' आंदोलन केलं

अकोट तालुक्यातील अडगांव बुद्रुक येथील बस स्थानक चौकात शेतकरी संघटनेच्या वतीने हे 'चक्का जाम' आंदोलन करण्यात आले.

विदर्भ अध्यक्ष लक्ष्मीकांत कौठकर यांच्या नेतृत्वात हे आंदोलन पार पडले

महावितरणचे स्मार्ट मीटर तात्काळ रद्द करावे यासह विविध मागण्या करण्यात आल्या

सातारा जिल्हा मध्यवर्ती सहकारी बँकेच्या निवडणुकीत आज एक महत्त्वाची घडामोड समोर आली आहे. खा. उदयनराजे भोसले यांची जिल्हा मध्यवर्ती सहकारी बँकेच्या संचालकपदी बिनविरोध निवड झाली आहे. गृहनिर्माण आणि दूध संस्था यांमधून त्यांनी उमेदवारी अर्ज भरला होता. त्यांच्या विरोधात संचालकपदासाठी अर्ज दाखल केलेले ज्ञानेश्वर पवार यांनी आपला उमेदवारी अर्ज मागे घेतल्यानंतर छत्रपतींच्या गादीचा सन्मान आणि आदर म्हणून आपण उमेदवारी अर्ज मागे घेतल्याचे सांगितले.

या बिनविरोध निवडीनंतर उदयनराजे समर्थकांनी जलमंदिर पॅलेस येथे जाऊन उदयनराजे यांचे बुके देऊन स्वागत केले.

पुणे-नाशिक महामार्गावर राजगुरुनगर बायपासजवळ शिवाई इलेक्ट्रिक बस अचानक बंद पडल्याने प्रवाशांचे हाल झालेत. पुण्यातून १०० टक्के चार्जिंगवर निघालेली बस अवघ्या ५० किलोमीटरवर लो बॅटरी झाल्याने बंद पडली.

हिंगोली मध्ये रहिवाशी वस्तीत स्फोटक फटाक्यांची साठेबाजी केल्याने अग्नितांडव घडले होते, या घटनेत दोघांचा आगीत होरपळून मृत्यू झाला होता तर बारा ते पंधरा जण या आगीच्या घटनेत भाजले होते दरम्यान आता या घटनेनंतर महसूल पालिका व पोलीस प्रशासनाने रहिवासी वस्ती मधील दुकाने आणि नागरिकांच्या घरातून विक्रीसाठी विनापरवानगी साठवणूक केलेले सहा क्विंटल फटाके जप्त केले आहेत, साम टीव्ही च्या बातमी नंतर कुंभकर्ण झोपेत असलेले प्रशासन जागं झालं आणि त्यानंतर या कार्यवाहीला सुरुवात करण्यात आली आहे, पालिका प्रशासनाने जप्त केलेले फटाके महसूल प्रशासनाच्या ताब्यात दिले असून या फटाक्यांची सुरक्षित ठिकाणी विल्हेवाट लावल्यानंतर ज्या नागरिकांच्या घरासह दुकानातून ही फटाके जप्त केले त्यांच्या विरोधात गुहे दाखल करण्यात येणार असल्याची माहिती महसूल विभागाने दिली आहे

पंढरपूर मधील स्वेरीज शिक्षण संस्थेचे संस्थापक तथा शैक्षणिक क्षेत्रात भरीव योगदान देणारे बब्रुवाहन रोंगे यांनी पंढरपूर ते पुणे कार्यकर्त्यांच्या मोठ्या संख्येत उमेदवारी अर्ज केला दाखल...

विधान परिषदेच्या निवडणुकीसाठी सर्वच पक्षाकडून उमेदवारी जाहीर झालेली असताना महायुती व महाविकास आघाडी कडून काही उमेदवारांनी बंडखोरी केली आहे तर काही शिक्षण संस्था तसेच शिक्षकांनी अपक्ष उमेदवारी अर्ज दाखल केला आहे असं असताना या सगळ्यांमध्ये पंढरपूर येथील प्राचार्य डॉ बब्रुवाहन रोंगे यांनी पंढरपूर ते पुणे असं तब्बल १५० वाहनांच्या ताफासह शक्ती प्रदर्शन करत आपलं उमेदवारी अर्ज भरला आहे...

ब्रेकिंग

मंत्री मंडळाच्या ओबीसी उपसमितीची बैठक सुरु

मंत्रालयाच्या सातव्या मजल्यावरील कक्षात बैठक सुरु

उपसमितीचे अध्यक्ष चंद्रशेखर बावनकुळे यांच्या अध्यक्षतेखाली बैठक

ओबीसी समाजाच्या योजनांचा घेतला जाणार आढावा

20 ग्रॅम एमडी ड्रगसह 2 लाख रुपयांचा किमती मुद्देमाल जप्त

सॅम्युअल पवार आणि आदित्य कस्तुरे दोघांना केले अटक

स्थानिक गुन्हे अन्वेषण शाखेची कारवाई

लोणावळ्यातील भुशी येथील प्रसिद्ध हॉटेल मोतीरामच्या आवारात ५ ऑक्टोबर रोजी प्रॉपर्टीच्या वादातून एका ८३ वर्षीय आजोबांनी स्वतःच्या ३३ वर्षीय नातवावर परवानाधारक रायफलमधून गोळी झाडून त्याची हत्या केल्याची धक्कादायक घटना घडली आहे. अभय माणिक मराठे असे मृत तरुणाचे नाव असून तो माजी नगरसेवक माणिक मराठे यांचा मुलगा होता. घटनेनंतर सुरुवातीला रायफल साफ करताना अचानक गोळी सुटून अपघात घडल्याचा बनाव रचण्यात आला होता आणि त्यानुसार लोणावळा शहर पोलिसांत अपघाती मृत्यूची नोंदही झाली होती. मात्र, रुग्णालयात मृतदेहाचे शवविच्छेदन करत असताना पोलिसांना अभय यांच्या पोटातील गोळीच्या जखमेवरून संशय आला. त्यानंतर स्थानिक गुन्हे शाखा आणि लोणावळा शहर पोलिसांनी हॉटेलमधील वेटर व कर्मचाऱ्यांची सखोल चौकशी केली असता, हा अपघात नसून थेट हत्या असल्याचे स्पष्ट झाले.

वाशिम जिल्ह्यातून जाणाऱ्या समृद्धी महामार्गावर आज सकाळी दोन मोठ्या कारवाईत 350 किलो गांजासह दोन ट्रक जप्त करून सुमारे दोन कोटीचा मुद्देमाल जप्त करण्यात वाशिम पोलिसांना यश आला आहे. या मोठ्या कारवाईमुळे गांजा तस्करीच मोठ रॅकेट उघड होण्याची शक्यता व्यक्त केली जात आहे. या प्रकरणात नेमकी आरोपी किती आहेत हे तपासाअंती समोर येणार असल्याची माहिती सुद्धा पोलिसांनी दिली.

पोलीस दलातील अधिकारी, कर्मचाऱ्यांना साहसी कामगिरीसाठी "मुख्यमंत्री शौर्य पदक" मिळणार. कर्तव्य बजावताना जोखीम पत्करून केलेल्या कामगिरीसाठी रोख पन्नास हजार रुपयांचा पुरस्कार, पदक तसेच प्रशस्तीपत्र. निवडीसाठी त्रिस्तरीय विविध समित्यांच्या रचना. वर्षभरातील कामगिरीची दखल घेतली जाणार, यावर्षी १ जानेवारी २०२६ पासूनची कामगिरी गृहीत धरली जाणार. दरवर्षी महाराष्ट्र दिन १ मेच्या पुर्वसंध्येला मुख्यमंत्री शौर्य पदकांची घोषणा होणार. मुख्यमंत्री महोदयांच्या हस्ते शौर्य पदक प्रदान होणार.

निवडणूक आयुक्त आम्हाला का भेटत नाहीत? आम्ही त्यांना भेटायला गेलो, त्यावेळी आम्हाला अर्ध्यातच थांबवले. ३०० खासदारांना आयुक्तांना भेटायचे आहे. ३०० खासदारांना का रोखलं? पोलीस आम्हाला धमकी का देत आहेत? असा सवाल राहुल गांधी यांनी उपस्थित केला.

मुंबईत कामगारांच्या रोजगाराचा प्रश्न निर्माण झाल्याने मनसेकडून आंदोलन करण्यात आले. मनसे नेते बाळा नांदगावकर यांच्या नेतृत्वाखाली MMRCL कार्यालयावर मोर्चा काढण्यात आला. काही दिवसांपूर्वी संबंधित कर्मचारी मनसे अध्यक्ष राज ठाकरे यांची भेट घेण्यासाठी गेले होते. त्यावेळी राज ठाकरे यांनी या प्रकरणात लक्ष घालण्याच्या सूचना दिल्याचे बाळा नांदगावकर यांनी सांगितले.

महाराष्ट्र सुरक्षा बलाकडून या कर्मचाऱ्यांना सुरक्षा पुरवली जाते. या कामात सुमारे ५०० ते ६०० कर्मचारी कार्यरत असून, त्यांना आवश्यक प्रशिक्षणही देण्यात आले आहे. मात्र आता रोजगाराचा प्रश्न निर्माण झाल्याने संबंधित अधिकाऱ्यांशी चर्चा करून कर्मचाऱ्यांचा प्रश्न सोडवावा, अशी मागणी मनसेकडून करण्यात आली आहे.

MPSC पेपर लीक प्रकरणाविरोधातील आंदोलनामुळे पुण्यातील नागरिकांना त्रास होत असल्याचा दावा

आंदोलनस्थळी दररोज हजारो लोक विनापरवानगी जमा होत असल्याचा याचिकाकर्त्यांचा आरोप

आंदोलकांकडून रस्ते अडवले जात असल्याचा याचिकेत दावा

रस्ते अडवल्यामुळे रुग्णवाहिकांना मार्ग मिळत नसल्याचा आरोप

शाळकरी मुलांनाही या मार्गांवरून प्रवास करताना अडचणींचा सामना करावा लागत असल्याचा दावा

नागरिकांच्या समस्यांचा दाखला देत याचिका आजच सुनावणीसाठी घेण्याची वकिलांची मागणी

• सायबर फसवणुकीच्या पैशातून मोबाइल खरेदी करणाऱ्या टोळीवर एल.टी. मार्ग पोलिसांची कारवाई

• फसवणुकीच्या रकमेतून मोबाइल खरेदी करणाऱ्या दोन आरोपींना अहमदाबाद, गुजरातमधून अटक

• आरोपींकडून एकूण १९ लाख ६६ हजार ७५ रुपये किमतीचे २५ मोबाइल फोन जप्त

भायखळा रेल्वे स्थानकाजवळ काही तांत्रिक बिघाड झाल्याने मध्य रेल्वेच्या अप मार्गावरील लोकल ३० ते ४० मिनिटे उशिराने धावत आहेत. त्यामुळे स्थानकांवर प्रवाशांची मोठ्या प्रमाणात गर्दी झाली असून, कामावर जाणाऱ्या चाकरमान्यांना आणि इतर प्रवाशांना मोठ्या गैरसोयीला सामोरे जावे लागत आहे.

पूर्णेकर कुटुंबीयांच्या सांत्वनासाठी जयंत पाटील दाखल

प्रदीप पूर्णेकर कुटुंबीयांच्या दुःखात जयंत पाटील सहभागी

मुंबईच्या पश्चिम द्रुतगती महामार्गावर कार आणि टेम्पोचा भीषण अपघात

बोरिवलीहून वांद्रेकडे जाणाऱ्या मार्गावर अंधेरी उड्डाणपुलावर अपघात

अपघातामुळे महामार्गावर वाहनांच्या लांबच लांब रांगा

अंधेरी-जोगेश्वरीदरम्यान गेल्या २० मिनिटांपासून वाहतूक ठप्प

पाच मिनिटाच्या अंतरासाठी वाहन चालकांना लागतोय अर्धा तास

वाहन चालकांकडून वाहतूक पोलिसांविषयी नाराजी

उन्हाचा कडाका आणि कोंडीमुळे वाहनचालक हैराण

वाहतूक पोलिसांकडून अपघातग्रस्त कार आणि टेम्पो बाजूला काढण्याचे प्रयत्न

वाहतूक सुरळीत करण्यासाठी पोलिसांची घटनास्थळी धाव

अमरावती शिक्षक मतदारसंघाच्या निवडणुकीसाठी काँग्रेसच्या उमेदवार अदिती पोहरे नामांकन अर्ज दाखल करण्यासाठी अमरावती विभागीय आयुक्त कार्यालयात दाखल झाल्या आहेत. यावेळी काँग्रेसचे प्रदेशाध्यक्ष हर्षवर्धन सपकाळ, काँग्रेस नेत्या यशोमती ठाकूर, खासदार बळवंत वानखडे, आमदार धीरज लिंगाडे आणि आमदार साजिद खान पठाण उपस्थित होते. त्यांच्या उपस्थितीत अदिती पोहरे उमेदवारी अर्ज दाखल करणार आहेत.

पुणे पदवीधर मतदारसंघातून राष्ट्रवादी काँग्रेस शरद चंद्र पवार पक्षाचे सरचिटणीस व पुणे विभागाचे पदवीधर समन्वयक शिवाजी खांडेकर यांनी आज पुणे पदवीधर मतदारसंघातून उमेदवारी अर्ज दाखल केला आहे.

उमेदवारी अर्ज भरताना सतेज पाटील, महाविकास आघाडीचे इतर नेते उपस्थित

इंडिया आघाडीच्या आंदोलनावर प्रतिक्रिया देताना मुख्यमंत्री देवेंद्र फडणवीस यांनी विरोधकांचा नरेटिव्ह किती फोल आहे, हे यावरून स्पष्ट होत असल्याची टीका केली. नरेटिव्ह फोल ठरला तरी जाणीवपूर्वक संभ्रम निर्माण करण्याचा प्रयत्न केला जात असल्याचा आरोप त्यांनी केला.

संविधानाने निर्माण केलेल्या संस्थांना डिस्क्रेडिट करायचे आणि त्यानंतर स्वतःच संविधानावर प्रश्न निर्माण करायचे, हे विरोधकांचे षडयंत्र असल्याचा आरोपही फडणवीस यांनी केला.

मुख्यमंत्री देवेंद्र फडणवीस यांनी ‘पार्टिसिपेट मुंबई’ उपक्रमाचे महत्त्व स्पष्ट करताना हे व्यासपीठ केवळ CSRपुरते मर्यादित नसून समाजासाठी एकत्रितपणे काम करण्याची संधी देणारे असल्याचे सांगितले. CSRच्या माध्यमातून कॉर्पोरेट क्षेत्राला समाजासाठी चांगले काम करण्याची इच्छा असते; मात्र निधी कोणत्या प्रकल्पाला द्यावा आणि त्याचा अपेक्षित परिणाम कसा साधता येईल, याबाबत अनेकदा स्पष्टता नसते. अशा प्रकारची भागीदारी निर्माण झाल्यास सामाजिक उपक्रम अधिक गतिशील आणि परिणामकारक पद्धतीने राबवता येतील, असे फडणवीस यांनी सांगितले.

नांदेडच्या अर्धापूर तालुक्यातील पिंपळगाव महादेव येथील शेतकरी पंडित कल्याणकर यांनी पाण्याअभावी आपल्या दीड एकर केळीच्या पिकावर ट्रॅक्टर फिरवला. पावसाने पाठ फिरवल्याने परिसरातील पाण्याचे स्रोत आटले असून, केळी पीक वाचवणे शेतकऱ्यांसाठी अशक्य झाले आहे.

लातूर जिल्ह्यातील गंगापूर येथील अल्पभूधारक शेतकरी हनुमंत मिंड यांच्यासमोर दुष्काळामुळे मुलीचे लग्न कसे करायचे, असा गंभीर प्रश्न उभा राहिला आहे. पावसाअभावी सोयाबीनसह खरीप पिकांचे नुकसान झाल्याने उत्पन्न घटले असून, लग्नासाठी साठवलेले पैसेही घरखर्च आणि शेतीसाठी खर्च होत आहेत.

ज्ञानेश कुमारांना जनता हटवणार अशा घोषणा देत राहुल गांधी आणि प्रियंका गांधी यांचे नवी दिल्लीत ठिय्या आंदोलन

रत्नागिरी तालुक्यातील गणेशगुळे गावात पावसाने दडी मारल्याने भातशेती संकटात सापडली आहे. गेल्या 40 दिवसांहून अधिक काळ पाऊस न झाल्याने शेतकरी गिरीश लाड यांची एक एकर भातशेती अडचणीत आली आहे. विहिरीतील पाण्याचा पंपाद्वारे उपसा करून दररोज सकाळी आणि दुपारी दोन तास भातशेतीला पाणी दिले जात आहे. पहिल्यांदाच पंपाच्या सहाय्याने भातशेतीला पाणी शिंपडत शेती जगवण्याची धडपड लाड करत आहेत.

बारामती तालुक्यात श्री सोमेश्वर सहकारी साखर कारखान्याच्या पंचवार्षिक निवडणुकीची रणधुमाळी रंगली आहे. कारखान्यावरील वर्चस्व कायम राखण्यासाठी राष्ट्रवादी काँग्रेसकडून सभासदांच्या घरोघरी जाऊन प्रचार केला जात आहे. निवडणुकीत राष्ट्रवादी काँग्रेस, राष्ट्रवादी काँग्रेस शरद पवार गट आणि बंडखोरी केलेले पुरुषोत्तम जगताप यांचे पॅनल आमनेसामने आहेत.

एल निनोच्या प्रभावामुळे अपुऱ्या पावसाने जिल्ह्यातील भूजल पातळी खालावली असून अनेक विहिरींनी आतापासूनच तळ गाठला आहे. दरम्यान, पाणलोट क्षेत्रात समाधानकारक पाऊस झाल्याने तापीवरील हतनूर धरण पूर्ण क्षमतेने भरले आहे. मात्र, गाळामुळे धरणाची साठवण क्षमता घटली असून पुराचे पाणी अडवण्याची पुरेशी सुविधा नसल्याने मोठ्या प्रमाणात पाणी वाहून गेले.

हिंगोलीत फटाक्यामुळे रहिवासी वस्तीत लागलेल्या आगीत हिंगोली नगर परिषदेचे तीन कर्मचारी गंभीररित्या जखमी

दोघांना उपचारासाठी लातूरला पाठवले तर एका कर्मचाऱ्यावर हिंगोलीत उपचार सुरू

अग्निशमन दलाच्या गाडीला आग लागल्यामुळे तिन्ही कर्मचारी भाजले

दिलीप दोडके, रवी कांबळे ,व आकाश सांगळे अशी कर्मचाऱ्यांची नावे

सोलापूर विधान परिषदचे भाजप आमदार राजेंद्र राऊत यांची ठाकरे बंधूवर जोरदार टिका

मी वर्गात मॉनिटर असल्यापासून आमदारकी पर्यंतचा माझा प्रवास झालेला आहे.

विकास कामांच्या बाबतीत मी पाहतोय की,देशाचे पंतप्रधान नरेंद्र मोदी आणि राज्याचे मुख्यमंत्री देवेंद्र फडणवीस हे अहोरात्र काम करतायत,त्यांनी आत्तापर्यंत सुट्टी घेतलेली नाहीये..

मराठवाड्यात यंदा पाणीसाठ्याची चिंता वाढताना दिसत आहे.

मराठवाड्यातील तब्बल 78 लघु सिंचन प्रकल्प कोरडे पडले असून, 4 मध्यम तलावांमध्येही पाण्याचा थेंब उरलेला नाही.

मध्यम आणि लघु प्रकल्पांचा सरासरी जलसाठा 19 टक्क्यांखाली आला आहे

जीवना-मुळगाव येथे आधुनिक मच्छीमार जेटी

ब्रेक वॉटरमुळे मच्छीमारांची गैरसोय दूर

मत्स्य व्यवसायाला मिळणार मोठी चालना

श्रीवर्धनमध्ये आगामी काळात मरीना प्रकल्प

पुण्याचे ग्राम दैवत कसबा गणपती मंदिरात चोरट्यांचा डल्ला

कसबा गणपती मंदिरातील दान पेट्या चोरट्यांनी फोडल्या

५० हजार रुपयांपेक्षा अधिक रोकड चोरट्यांनी केली लंपास

पुण्याच्या फरासखाना पोलिसांकडून आरोपींचा शोध सुरू

* नाशिककरांवर देखील पुन्हा पाणी कपातीचे संकट, आज होणाऱ्या महापालिकेच्या महासभेत पाणी कपातीबाबत निर्णय होण्याची शक्यता

* शहरातील पाणीपुरवठ्यात किमान १० टक्के कपात करण्याचे जलसंपदा विभागाचे निर्देश

* राज्यातील मर्यादित जलसाठ्याच्या पार्श्वभूमीवर जलसंपदा विभागाचा निर्णय

एकादशीनिमित्त संत ज्ञानेश्वर महाराजांच्या संजीवन समाधी मंदिरात आकर्षक पुष्पसजावट करण्यात आली आहे.

फुलांच्या सजावटीने समाधीवरील माऊलींचं रूप अधिकच खुलून आलंय.

धाराशिवमध्ये दुष्काळाचे संकट बनले अधिकच तिव्र,विहीरींनी गाठला तळ

आठ दहा दिवस पण पाणी राहणार नाही,1972 च्या दुष्काळापेक्षा ही अवघड परिस्थिती

72 दुष्काळात पाणी तरी होत आता पिक तर गेली पण पाणी देखील राहील नाही, शेतकऱ्यांनी सांगितला अनुभव

रत्नागिरी जिल्ह्याच्या सहकार क्षेत्रातील महत्त्वपूर्ण असलेल्या रत्नागिरी जिल्हा मध्यवर्ती सहकारी बँकेच्या २०२६ ते २०३१ या पंचवार्षिक निवडणुकीचा बिगुल वाजलं

बँकेच्या नवीन संचालक मंडळाच्या निवडीसाठी प्रारुप मतदार यादी तयार करण्याचं काम पूर्ण झालंय.

ही यादी अंतिम करण्यासाठी प्रशासनाकडून अधिकृत निवडणूक कार्यक्रम जाहीर करण्यात आला आहे.

जालन्यातील अंबड तालुक्यातील बारसवाडा येथील गल्हाटी प्रकल्प कोरडाठाक पडलाय.त्यामुळे 15 ते 20 गावांवर पाणीसंकट ओढावलंय.

यावर्षी कमी पावसाअभावी प्रकल्पात पाणीसाठा झाला नाही.

परिणामी पिण्याच्या पाण्याबरोबरच या भागातील खरीप हंगाम देखील वाया गेला.

शिरूर तालुक्यातील आंबळे गावात पुन्हा बिबट्याचा थरार पाहायला मिळालाय.

पहाटे घराजवळच बिबट्याने कुत्र्यावर हल्ला करून त्याला ठार केलंय.

पुण्यात शिकवणी, अभ्यासिका चालकांसह विद्यार्थ्यांना नोटिसा

आंदोलने बेकायदा असल्याचे नमूद करत पोलिसांचा कारवाईचा इशारा