गोंदिया: शिक्षकाने विहिरित दोरखंडाच्या सहाय्याने गळफास लावून आत्महत्या केल्याची घटना गोंदिया जिल्ह्याच्या आमगांव येथे घडली आहे. पदवीधर शिक्षक सुनील मुटकुरे असे आत्महत्या करणाऱ्या शिक्षकाचे नाव असून आमगांव तालुक्यातिल जि. प.शाळा बोरकन्हार येथे ते कार्यरत होते. सुनील मुटकुरे यांनी आपल्या राहत्या घरच्या विहिरित आज पहाटे 5 च्या सुमारास गळफास लावून आत्महत्या केली.

आत्महत्येचे कारण अद्याप कळू शकले नाही. पण मुटकुरे हे एकाकी स्वभावाचे होते ते सहसा इतरात मिसळत नव्हते, मुटकुरे इंग्रजी विषयात निपुण होते, तसेच झाडांवर कलम करण्यात त्यांचा हातखंडा होता. त्यामुळे अश्या व्यक्तीच्या जाण्याने गावात शोककळा पसरली आहे. त्यांचा मृतदेह विहिरी बाहेर काढण्यात आले असून उत्तरीय तपासणी करिता आमगाव रुग्णालयात पाठविण्यात आले असून आमगाव पोलिस स्टेशन येथे गुन्हा दाखल करण्यात आला, असून पुढील तपास आमगाव पोलीस करीत आहे.

समाज मग तो कालचा असेल, आजचा वा उद्याचा असेल या समाजाचा खरा शिल्पकार हा ‘शिक्षक’च आहे. शिक्षक वर्ग हा समाजासाठी दिशादर्शकाचे काम करणारा प्रमुख मार्गदर्शक आहे. पण हा दिशादर्शकच खचून जाऊन जिवाबद्दल टोकाची भूमिका घेत असेल तर आता सर्वाना विचार करण्याची खरी वेळ आली आहे,हे मात्र निच्छित.