जालना: महावितरण कंपनीच्या भोंगळ कारभारामुळे एका 12 वर्षाच्या मुलाचा मृत्यू झाल्याची घटना जालना शहरात काल सायंकाळी घडली होती. महावितरण कंपनीच्या विद्युत पोलमध्ये उतरलेला विजेचा शॉक लागून या मुलाचा मृत्यू झाला होता. मोनू म्हस्के असं या मृत्यूमुखी पडलेल्या मुलाचं नाव असून जालन्यातील नूतन वसाहत परिसरातील राहुलनगर भागात ही घटना घडलीय आहे. या घटनेमुळे परीसरात महावितरण विरोधात संताप व्यक्त केला जातोय.

दरम्यान या प्रकरणी मयत मुलाच्या वडिलांनी कदीम जालना पोलिस ठाण्यात तक्रार दाखल केलीय. महावितरणच्या कर्मचाऱ्यांविरोधात ही तक्रार दिली दाखल केली असुन या तक्रारीवरून पोलिसांनी घटनास्थळी जाऊन पंचनामा केला असून या प्रकरणी महावितरण कर्मचाऱ्यांविरोधात मृत्यूस कारणीभूत ठरल्या प्रकरणी भादवी 304,अ प्रमाणे गुन्हा दाखल केला आहे.या प्रकरणी पोलीस अधिक तपास करतायत.