पुणे : राज्यात ओमायक्रॉन (Omicron) रुग्णवाढीचा वेग वाढताना दिसून येत आहे. रुग्णवाढीचा वाढता आकडा महाराष्ट्रासाठी धोक्याची घंटा ठरू लागला असून चिंतेचे वातावरण निर्माण होऊ लागले आहे. आज राज्यात एकूण 85 ओमायक्रॉन बाधित रुग्ण आढळून आले आहेत. राष्ट्रीय विषाणू विज्ञान संस्थेने (NIV) दिलेल्या अहवालानुसार राज्यात एकूण 47 नवे ओमायक्रॉन बाधित रुग्ण आढळले आहेत. तर, भारतीय विज्ञान आणि संशोधन संस्थेने (IISER) दिलेल्या अहवालानुसार 38 नवे रुग्ण आढळून आले आहेत. दोन्ही संस्थांच्या अहवालानुसार एकूण 85 ओमायक्रॉन बाधित रुग्ण आढळून आले आहेत.