पंढरपूर - एका अलिशान कारमधून छुप्या मार्गाने चंदनाची वाहतूक करणाऱ्या दोघा चंदनतस्कांना पंढरपूर (Pandharpur) तालुका पोलिसांनी (police) बेड्या ठोकल्या आहेत. या कारवाईमध्ये पोलिसांनी 8 लाख 28 हजार रुपये किंमतीचे 138 किलो चंदन व एक कार असा एकूण 15 लाख 28 हजार रुपयांचा मुद्देमाल जप्त केला आहे. रमेश महादेव तेलंग रा.पंढरपूर व कचरुद्दीन जमादार रा.मोहोळ अशी या दोघा चंदनतस्करांची नावे आहेत. या प्रकरणी पंढरपूर तालुका पोलिसात गुन्हा दाखल करण्यात आला आहे.

हे देखील पहा -

एका अलिशान कारमधून बेकायदेशीर पध्दतीने छुप्या मार्गाने चंदनाची वाहतूक केली जात असल्याची माहिती पंढरपूर पोलिसांना मिळाली होती. त्यानुसार पंढरपूर तालुका पोलिस निरीक्षक मिलींद पाटील व त्यांच्या सहकार्यांनी तुंगत परिसरात सापळा रचला होता. संशयीत आरोपी मोहोळहून पंढरपूरकडे येत असताना पोलिसांनी तुंगत परिसरात संशयीत कार अडून आली तपासणी केली असता यामध्ये चार पोत्यामध्ये 138 किलो चंदन आढळून आले. त्यानंतर पोलिसांनी चंदनासह अलिशान कार देखील जप्त केली आहे.