बीड - माजलगाव शहरात नगर पालिकेकडून ईद निमित्त, मज्जित परिसर स्वच्छ करण्यासाठी गेलेल्या जेसीबीमुळे भिंत पडल्याने, एक 7 वर्षीय चिमुकली पडलेल्या भिंती खाली दबल्याने तिचा जागीच मृत्यू झाला आहे. विशेष म्हणजे मज्जित परिसरात घाण नसताना देखील जीसीपी पाठवण्यात आल्याचा आरोप नागरिक करत आहेत. माजलगाव शहरातील इदगा मोहल्ला भागात एक मोठी मस्जिद आहे. या मस्जिद परिसरात घाण काढण्यासाठी, अरुंद रस्त्यामुळं जेसीबी आतमध्ये जात नसताना देखील जेसीबी जबरदस्तीने आतमध्ये घालण्यात आली.

हे देखील पाहा -

सदरील जेसीबी मज्जित समोरील भागात असलेल्या भिंतीजवळ गेली असता, त्या ठिकाणची भिंत जेसीबीमुळे पडली. ही भिंत पडली तेव्हा त्या रस्त्यावरून सय्यद इक्रा सय्यद निसार वय 7 ही मुलगी जात होती. यादरम्यान तिच्या अंगावर भिंत पडली. त्यामुळे ती जागीच दबली गेली.

मात्र ही बाब जेसीबी चालकाच्या लक्षात आल्याने, त्याने जेसीबीच्या खो-याने पडलेली भिंत अलीकडे घेत असताना, सदरील खोरे हे मुलीला लागल्याने तिचा चेंदामेंदा झाला. ही बाब लक्षात येताच जेसीबी चालकाने तेथून धूम ठोकली, व तो का पळत आहे ? हे पाहण्यासाठी आलेल्या नागरिकांना सदरील मुलगी मयत झाल्याचे दिसून आले.

यानंतर संतप्त जमावाने जेसीबीच्या सर्व काचा फोडल्या. यामुळं माजलगावमध्ये प्रचंड प्रमाणात तणावाचे वातावरण निर्माण झाले होते. तर नागरिकांमधून संताप देखील व्यक्त करण्यात हेत आहे. दरम्यान याप्रकरणी माजलगाव शहर पोलीस ठाण्यात रात्री उशिरा जेसीबी चालक, जेसीबी मालक व ठेकेदारसह अन्य 2 जणांवर 279, 304-A, 34, 134, 3, 5 कलमानुसार गुन्हा दाखल करण्यात आला आहे.