परभणी : सेलू शहरातील गुलमोहर कॉलोनी येथील व्यापारी शेख सिद्दिक शेख मोईन बागवान यांच्या घरी गुरुवारी आज पहाटे 3 वाजेच्या सुमारास सशस्त्र दरोडा पडला आहे. चोरट्यांनी शेख यांना धमकावत घरातील महिलांना मारहाण करत सोने आणि रोख रक्कम असा तब्बल 6 लाखाचा ऐवज पळवला आहे. सिद्दिक बागवान हे आपल्या भावासह गुलमोहोर कॉलनी येथे राहतात.

हे देखील पहा :

आज पहाटे 3 वाजेच्या सुमारास 5 ते 6 चोरट्यांनी छतावरील जिन्याचा दरवाजा तोडून घरात प्रवेश केला. त्यानंतर आतील सर्व खोल्यांची कडी लावली. दरम्यान, एका खोलीत प्रवेश करीत चोरट्याने झोपलेल्या महिलांना चाकूचा धाक दाखवत अंगावरील व घरातील सोन्याचे दागिने रोख रक्कम घेतली. घरातील इतरांना जाग आल्याने चोरट्यांनी त्यांना पण मारहाण करत तेथून पळ काढला.

चोरट्यांचा पाठलाग करण्याचा प्रयत्न केला असता समोरील लोया नामक व्यक्तीच्या शेतातून पसार होण्यास हे भामटे यशस्वी झाले. घटनास्थळी पोलिसांनी दाखल होत पंचनामा करून पाहणी केली. चोरट्यांनी जवळ पास 5 लाखाचे सोने व रोख 1 लाख रोख रक्कम चोरून नेली आहे. चोरट्यांजवळ तलवार, गुप्ती, चाकू, गज अशी धारदार शास्त्रे होती. त्यांनी लहान मुलांसह सर्वांना मारहाण केली आहे. त्यामध्ये सिद्दीक बागवान यांचे दात पडले तर रजिया बेगम याच्या नाकाला जखम झाली आहे.

Edited By : Krushnarav Sathe