अक्षय गवळी, अकोला प्रतिनिधी

5 dead in Akola road crash : अकोल्यामध्ये मोठी दुर्घटना घडली आहे. विटांचा ट्रक दुचाकीवर कोसळल्यामुळे ५ जणांचा दबून मृत्यू झाल्याची दुर्दैवी घटना घडली आहे. अकोला-मंगरूळपीर रोडवर दगडपारवा गावाजवळ ही अत्यंत दु:खद घटना घडली आहे. विटांचा ट्रक दुचाकीवर उलटल्याने पाच जणांचा मृत्यू झाला आणि दोन जण गंभीर जखमी झाले आहेत. मृतांमध्ये ट्रकमधील चार जणांचा समावेश आहे. अपघातामधील जखमींना अकोल्याच्या जिल्हा रुग्णालयात उपचारासाठी दाखल करण्यात आले आहे.

विटांचा ट्रक उलटल्याचे कळताच परिसरात एकच खळबळ उडाली. स्थानिक नागरिकांनी ट्रक सरळ करण्याचे प्रयत्न केला. त्यानंतर जखमींना तातडीने रुग्णालयात हलवले.