- पराग ढाेबळे

सध्या पूर्व विदर्भात तापमानाचा पारा 45 अंशवर जाऊन पोहोचलेला आहे. गेल्या काही दिवसांमध्ये एकट्या नागपूर शहरांत 8 पेक्षा जास्त बेघरांच्या मृत्यूची नोंद आकस्मिक मृत्यू म्हणून विविध पोलीस स्टेशनमध्ये नोंद घेतली आहे. दरम्यान उष्मघाताने पूर्व विदर्भात केवळ चार संशयितांची मृत्यूची नोंद झाल्याचा दावा आरोग्य विभागाने केले आहे. अद्या अंतिम अहवाल येणे बाकी असल्याचेही आराेग्य विभागाने स्पष्ट केले आहे.

पूर्व विभागातील सहा जिल्ह्यात 48 रुग्ण उष्मघाताचे रुग्ण दाखल झाले होते. त्यापैकी चार जणांचा मृत्यू उष्मघाताने झाल्याचं संशय आहे. यात वर्धा येथे 3 आणि भंडारा जिल्ह्यात एक रुग्णाचा उष्मघाताने मृत्यू झाल्याचा संशय आहे. मात्र अद्याप त्यांचा मृत्यू कशाने झाला याचा अहवाल आलेला नाही.

उपचार घेतलेल्या रुग्णांची एकूण नोंद : 48

नागपूर ग्रामीण (जिल्ह्यात) : 15

नागपूर महानगर पालिका क्षेत्र : 05

भंडारा : 06 रुग्ण नोंद, 01 संशयित मृत्यू

गोंदिया - 09

गडचिरोली - 07

वर्धा - 06, तीन संशयितांचा मृत्यू.

यात विशेष म्हणजे सर्वाधिक तापणाऱ्या चंद्रपूर जिल्ह्यात एकही उष्मघाताचा रुग्ण नोंदवला गेलेला नाही.

उन्हापासून असा करा बचाव

- आवश्यकता असेलच तरच घराबाहेर पडा.

- घरातून बाहेर पडताना टाेपी, छत्री जवळ बाळगा.

- पाण्याची बाटली साेबत ठेवा.

- पांढरे सुती कपडे वापरा.

Edited By : Siddharth Latkar