संजय राठोड

यवतमाळ: वणी शहरातील (Wani City) रजा नगर व मोमीनपुरा येथे गोमांस ची विक्री होत असल्याची गोपनीय माहिती वणी पोलिसांना मिळाली त्यावरून डी.बी. पथकाने रविवारी छापा टाकून गोमांस सह चार आरोपीला ताब्यात घेत दोन्ही ठिकाणावरून तब्बल 320 किलो गोमांस जप्त केल्याची कारवाई पोलिसांनी केली.

लपूनछपून गोवंशाची कत्तल केली जाते. राहत्या घरातच गोवंशाची कत्तल करून गोमांस विकत असल्याची गोपनीय माहिती वणीचे ठाणेदार वैभव जाधव यांना मिळताच त्यांनी स्थानिक गुन्हे शोध पथकास कारवाई करण्या बाबत आदेश दिले.

रजा नगर व मोमीनपुरा येथे धाडसत्र अवलंबण्यात आले असता दोन्ही ठिकाणी 320 किलो गोमांस आढळून आले. यावेळी मोमीनपुरा येथून मो. नासिर अब्दुल रशीद (51), मो. कैसर अब्दुल अजीज कुरेशी (45) तर रजा नगर येथील इस्तक अब्दुल वाहब कुरेशी (48), मो. जुबेर अब्दुल मूनाफ (32) याना अटक करण्यात आली असून गोमांस जप्त करण्यात आले आहे.

Edited By: Pravin Dhamale